1 Crónicas 6
6
Sc'oplal xnich'nab Leví i'ochic ta paleal
1Li xnich'nab Levie#Gn 46.11; Ex 6.16-20; Nm 3.2. ja' Gersón, Coat, xchi'uc Merari.
2Li xnich'nab Coate ja' Amram, Izhar, Hebrón, xchi'uc Uziel. 3Li xnich'nab Amrame ja' Aarón, Moisés, xchi'uc María. Li xnich'nab Aarone ja' Nadab, Abiú, Eleazar, xchi'uc Itamar. 4Li Eleazare inich'naj, Finees sbi. Li Fineese inich'naj, Abisúa sbi. 5Li Abisuae inich'naj, Buqui sbi. Li Buquie inich'naj, Uzi sbi. 6Li Uzie inich'naj, Zeraías sbi. Li Zeraiase inich'naj, Meraiot sbi. 7Li Meraiote inich'naj, Amarías sbi. Li Amariase inich'naj, Ahitob sbi. 8Li Ahitobe inich'naj, Sadoc sbi. Li Sadoque inich'naj, Ahimaas sbi. 9Li Ahimaase inich'naj, Azarías sbi. Li Azariase inich'naj, Johanán sbi. 10Li Johanane inich'naj, Azarías sbi; ja' ti i'och ta paleal te ta ch'ulna ta Jerusalén la spas Salomone. 11Li Azariase inich'naj, Amarías sbi. Li Amariase inich'naj, Ahitob sbi. 12Li Ahitobe inich'naj, Sadoc sbi. Li Sadoque inich'naj, Salum sbi. 13Li Salume inich'naj, Hilquías sbi. Li Hilquiase inich'naj, Azarías sbi. 14Li Azariase inich'naj, Seraías sbi. Li Seraiase inich'naj, Josadac sbi. 15Li Josadaque chucbil ibat ti c'alal ichucatic batel yu'un ajvalil Nabucodonosor li Judá xchi'uc Jerusalene, yu'un jech la sc'an li Muc'ul Diose.
Sc'oplal smomnich'nabtac Leví
16Li xnich'nab Levie ja' Gersón, Coat, xchi'uc Merari.
17Li xnich'nab Gersone ja' Libni xchi'uc Simei.
18Li xnich'nab Coate ja' Amram, Izhar, Hebrón, xchi'uc Uziel.
19Li xnich'nab Merarie ja' Mahli xchi'uc Musi.
Li'i ja' smomnich'nab li Levie.#Ex 6.16-19.
20Li xnich'on Gersone Libni sbi. Li xnich'on Libnie Jahat sbi. Li xnich'on Jahate Zima sbi. 21Li xnich'on Zimae Joa sbi. Li xnich'on Joae Iddo sbi. Li xnich'on Iddoe Zera sbi. Li xnich'on Zera Jeatrai sbi.
22Li xnich'on Coate ja' Aminadab sbi. Li xnich'on Aminadabe Coré sbi. Li xnich'on Coree Asir sbi. 23Li xnich'on Asire Elcana sbi. Li xnich'on Elcanae Ebiasaf sbi. Li xnich'on Ebiasafe Asir sbi. 24Li xnich'on Asire Tahat sbi. Li xnich'on Tahate Uriel sbi. Li xnich'on Uriele Uzías sbi. Li xnich'on Uziase Saúl sbi.
25Li yan xnich'nab Elcanae ja' Amasai xchi'uc Ahimot. 26Li xnich'on Ahimote Elcana sbi. Li xnich'on Elcanae Zofai sbi. Li xnich'on Zofaie Nahat sbi. 27Li xnich'on Nahate Eliab sbi. Li xnich'on Eliabe Jeroham sbi. Li xnich'on Jerohame Elcana sbi.
28Li xnich'on Samuele ja' Vasni sbi li sbae; li yane Abías sbi.
29Li xnich'on Merarie Mahli sbi. Li xnich'on Mahlie Libni sbi. Li xnich'on Libnie Simei sbi. Li xnich'on Simeie Uza sbi. 30Li xnich'on Uzae Simea sbi. Li xnich'on Simeae Haguía sbi. Li xnich'on Haguiae Asaías sbi.
Sc'oplal jq'uejimoletic ta ch'ulna la st'uj David
31Li'i ja' li jq'uejimoletic la st'uj Davide. Ja' yabtelic o chq'uejinic te ta xch'ulna Muc'ul Dios ti c'alal laj xa'ox stiq'uic ochel ta yut ch'ulna li caxae. 32Ja' te iq'uejinic o ta yeloval ti'ch'ulna pasbil ta nucul c'alal to la spas yan ch'ulna yu'un Muc'ul Dios te ta Jerusalén li Salomone. Ts'acal te la sts'aquic yabtelic noxtoc jech chac c'u cha'al yabtelic ono'oxe.
33Li sbi boch'o te itunic o xchi'uc xnich'nabe ja' li'i: ja' smomnich'on Coat, Hemán sbi; ja' jq'uejimol. Li stot Hemane ja' Joel; ja' smoltotac li Samuel, 34Elcana, Jeroham, Eliel, Toa, 35Zuf, Elcana, Mahat, Amasai, 36Elcana, Joel, Azarías, Sofonías, 37Tahat, Asir, Ebiasaf, Coré, 38Izhar, Coat, Leví, ja' li xnich'on Israele.
39Ta stuq'uil sbats'ic'ob li Hemane ja' te la sva'an sba ta q'ueoj li yuts' yalale, ja' li Asaf xnich'on Berequiase; ja' smoltotac ta vo'one li Simea, 40Micael, Baasías, Malquías, 41Etni, Zera, Adaía, 42Etán, Zima, Simei, 43Jahat, Gersón, ja' li xnich'on Levie.
44Yan ta sts'et c'obe ja' te la sva'an sba li yan yuts' yalale, ja' li smomnich'on Merarie, ja' Etán sbi. Li Etane ja' xnich'on li Quisie; ja' smoltotac li Abdi, Maluc, 45Hasabías, Amasías, Hilquías, 46Amsi, Bani, Semer, 47Mahli, Musi, Merari, ja' li xnich'on Levie.
48Li yantic xchi'iltaquic ti co'ol levietic xchi'uque ja' icom ta yac'olic spasel scotol li abtel te ta ch'ulna yu'un Diose. 49Yan li Aarón xchi'uc xnich'nabe ja' yabtelic o chchic'beic smoton Dios te ta scajleb, xchi'uc chchiq'uic pom te ta scajleb. Xchi'uc ja' tspasic o li abtel te ta bats'i lequil ch'ul cuartoe. Xchi'uc ja' chac'beic ta ch'aybel smul xchi'iltaquic ta israelal jech chac c'u cha'al yaloj li Moisese, ja' li yajtunel Diose.
Sc'oplal smomnich'nab Aarón
50Li xnich'on xchi'uc smomnich'nab Aarone ja': Eleazar; li xnich'on Eleazare ja' Finees; li xnich'on Fineese ja' Abisúa; li xnich'on Abisuae 51ja' Buqui; li xnich'on Buquie ja' Uzi; li xnich'on Uzie ja' Zeraías; li xnich'on Zeraiase 52ja' Meraiot; li xnich'on Meraiote ja' Amarías; li xnich'on Amariase ja' Ahitob; li xnich'on Ahitobe 53ja' Sadoc; li xnich'on Sadoque ja' Ahimaas.
Sc'oplal lumetic yu'un levietic
(Jos 21.1-42)
54Li'i ja' sc'oplal bu inaquiic, xchi'uc sc'oplal sts'aquiltac yosilic li smomnich'nabtac Aarone. Li jchop sbiic smomnich'nab ti iliquic ta Coate ja' ic'ot ta stojolic ta sventa canal tajimol li 55lum Hebrón te ta yosilal Judae xchi'uc jutuc yosilal. 56Pero ti c'u smuc'ul banamil smacoj li lume xchi'uc li bic'tal lumetic yu'une ja' laj yich' li Caleb xnich'on Jefone. 57Li smomnich'nab Aarone ja' laj yich'ic li lum Hebrone; ja' snac'ubbailic ic'ot. Xchi'uc laj yich'ic noxtoc Libna, Jatir, Estemoa, 58-59Hilén, Debir, Asán, xchi'uc Bet-semes. Scotol li lumetic le'e laj yich'beic jutuc yosilal jujun. 60Li lumetic laj yich'ic te ta yosilic jchop liquemic ta Benjamine ja' Geba, Alemet, xchi'uc Anatot. Li jujun lume laj yich'beic jutuc yosilal. Ja' yu'un li lumetic laj yich'ic jchop sbiic smomnich'nab Aarone ja' oxlajuneb (13) ta scotol.
61Li yan jchop sbiic smomnich'nabtac Coate ja' ic'ot ta stojolic lajuneb lumetic te ta yosilalic li o'lol jchop liquemic ta Manasese. 62Yan li smomnich'nab Gersone ja' oxlajuneb (13) lumetic laj yich'ic; ja' ti jaychop sbi oyique. Ja' te laj yich'ic ta yosilal Isacar, Aser, Neftalí, xchi'uc ta yosilal jchop liquemic ta Manasés ti te nacalic ta Basane.
63Li j'o'lol smomnich'nab Merarie ja' ic'ot ta stojolic lajchab (12) lumetic te ta yosilal Rubén, Gad, xchi'uc Zabulón; ja' ti jaychop sbi oyique.
64Li israeletique laj yac'beic lumetic yu'unic ec li smomnich'nabtac Levie xchi'uc yosilal. 65Li jchop liquemic ta Judá, ta Simeón, xchi'uc ta Benjamine ja' laj yaq'uic ec li lumetic ti laj xa yich' alel tale, ja' ti bu ic'ot ta stojolique. 66Oy jaychopuc sbiic smomnich'nab Coat ja' ic'ot ta stojolic li lumetic te ta yosilalic jchop liquemic ta Efraine. 67Jech noxtoc ja' laj yich'ic xchi'uc yosilal li lum Siquem te ta vits yu'un Efraine; ja' sventa snac'ubbailic ic'ot. Xchi'uc ja' laj yich'ic li lum Gezer, 68-69Jocmeam, Bet-horón, Ajalón, xchi'uc Gat-rimone. Laj yich'beic xchi'uc jutuc yosilal jujun.
70Li yantic jaychop sbiic smomnich'nab Coate ja' laj yich'ic li lum Aner, xchi'uc Bileame, xchi'uc laj yich'beic yosilal jujun. Ja' te oy ta yosilal li j'o'lol jchop smomnich'nab Manasese.
71Li smomnich'nab Gersone ja' laj yich'ic li lum Golán te ta Basane xchi'uc li lum Astarote. Laj yich'beic jutuc yosilal. Li lumetique ja' te oy ta yosilal li o'lol jchop liquemic ta Manasese. 72-73Xchi'uc laj yich'ic noxtoc li lum Cedes, Daberat, Ramot, Anem te ta yosilal Isacare. Xchi'uc laj yich'beic jutuc yosilal. 74-75Xchi'uc ja' laj yich'ic noxtoc li lum Masal, Abdón, Hucoc, xchi'uc Rehob te ta yosilal Asere. Laj yich'beic jutuc yosilal noxtoc. 76Xchi'uc laj yich'ic noxtoc lumetic te ta yosilal Neftalí, ja' li lum Cedes te ta Galilea, xchi'uc Hamón, xchi'uc Quiriataim. Laj yich'beic xchi'uc yosilal jujun.
77Li yantic smomnich'nab Merarie ja' laj yich'ic li lum Rimón, xchi'uc Tabore xchi'uc yosilal. Ja' te oy ta yosilal Zabulón. 78-79Xchi'uc laj yich'ic noxtoc li lum Beser te ta xocol banamile, xchi'uc Jaza, Cademot, xchi'uc Mefaat ti te oy ta yosilal Rubén ta jot uc'um Jordán ta stuq'uil sloq'ueb c'ac'al#6.78-79 C'ac'al - Oy boch'o chalic jtotic. ta yeloval lum Jericoe. Xchi'uc laj yich'beic yosilal li jujun lume. 80-81Laj yich'ic noxtoc li lum Ramot ta Galaad, Mahanaim, Hesbón, xchi'uc Hazer ti te oy ta yosilal Gade. Xchi'uc laj yich'beic yosilal noxtoc li jujun lume.
Currently Selected:
1 Crónicas 6: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.