1 Crónicas 4
4
Sc'oplal smomnich'nab Judá
1Li xnich'nab Judae ja' Fares, Hezrón, Carmi, Hur, xchi'uc Sobal. 2Li Reaía xnich'on Sobale inich'naj, Jahat sbi. Li Jahate inich'naj, Ahumai xchi'uc Lahad sbiic. Le'e ja' te ilic sts'unubal li zoratetique.
3-4Li xnich'nab Hure ja' Etam, Jezreel, Isma, Ibdas, Penuel stot Gedor, Ezer stot Husa. Oy jun yixlalic, ja' Haze-lelponi sbi. Le'e ja' xnich'nab li Hure, ja' li stot Belene; ja' li sba yol Efratae.
5Li Asur stot Tecoae la sa' chib yajnil; ja' Hela xchi'uc Naara. 6Li Naarae ivoc' yalab; ja' Ahuzam, Hefer, Temei, xchi'uc Ahastari. Le'e ja' yalab li Naarae. 7Li yalab Helae ja' Zeret, Jezoar, xchi'uc Etnán.
8Li Cose inich'naj, ja' Anub xchi'uc Zobeba sbiic; ja' sts'unubal li Aharhel xnich'on Harume.
9Li Jabese ipuc lec sc'oplal ta scotol li xchi'iltac ta voq'uele. Ja' yu'un li me'ile Jabes#4.9 Jabes - Ta hebreo c'op ja' smelol c'ux. laj yac'be sbi, jech laj yal: “Toj ep c'ux laj ca'ay c'alal la jvoq'ues”, xi. 10Li Jabese lic sc'anbe vocol li Dios yu'un Israele, jech laj yalbe: “Ta jc'anbot vocol ti ac'o avac'bun bendicione, xchi'uc ti ac'o amuq'uibtasbun li cosilale, xchi'uc ti ac'o achi'inune, ti ac'o acoltaun ta sventa li c'usitic chopole yu'un jech mu jta jvocol”, xut. Jech i'ac'bat yu'un Dios li c'usi la sc'anbee.
11Li Quelub yits'in Suae inich'naj, Mehir sbi. Li Mehire inich'naj, Estón sbi. 12Li Estone inich'naj; ja' Bet-rafa, Paseah, xchi'uc Tehina, ja' li boch'o la sliques lum Nahase. Le'e te inaquiic ta Reca.
13Li xnich'nab Cenaze ja' Otoniel xchi'uc Seraías. Li xnich'nab Otoniele ja' Hatat 14xchi'uc Meonotai. Li Meonotaie inich'naj, Ofra sbi. Li Seraiase inich'naj, Joab sbi. Li Joabe ja' xnich'nab li boch'otic te inaquiic ta stenlejaltic Carisime,#4.14 Carisime - Ta hebreo c'op ja' smelol lec sna' c'usi sloc'taic. yu'un lec sna' c'usi sloc'taic.
15Li xnich'nab Caleb xnich'on Jefone ja' Iru, Ela, xchi'uc Naam. Li xnich'on Elae Cenaz sbi.
16Li xnich'nab Jehalelele ja' Zif, Zifa, Tirías, xchi'uc Asareel.
17-18Li xnich'on Esdrase ja' Jeter, Mered, Efer, xchi'uc Jalón. Li Merede ja' laj yic'be stseb faraón, Bitia sbi. Li yol xnich'onique ja' María, Samai, xchi'uc Isba, ja' li stot Estemoae. Li Merede te loq'uem tal jun yajnil noxtoc ta sts'unubal Judá, Jehudaía sbi. Li yalabe ja' Jered stot Gedor, xchi'uc Heber stot Soco, xchi'uc Jecutiel stot Zanoa.
19Li yalab yajnil Hodías, ja' li yixlal Nahame, ja' Keila, ja' li garmetique xchi'uc Estemoa, ja' li maacaetique.
20Li xnich'nab Simone ja' Amnón, Rina, Ben-hanán, xchi'uc Tilón.
Li xnich'nab Isie ja' Zohet xchi'uc Benzohet.
21Li smomnich'nab Sela xnich'on Judae ja' Er stot Leca, Laada stot Maresa, xchi'uc li jchop sbiic ti lec sna' x'abtejic ta lino te ta Bet-asbeae. 22Xchi'uc ja' xnich'on noxtoc li Joaquim te inaquiic ta Cozebae, xchi'uc Joás, xchi'uc Saraf. Le'e ja' ti la spasic mantal te ta Moabe, xchi'uc ti isutic ta Leheme, yu'un jech chvinaj ta poco' svunalic. 23Le'e lec sna'ic pat bin. Te to'ox inaquiic ta Netaim xchi'uc ta Gedera. Te i'abtejic ta stojol li ajvalile.
Sc'oplal smomnich'nab Simeón
24Li xnich'nab Simeone ja' Nemuel, Jamín, Jarib, Zera, xchi'uc Saúl. 25Li Saule inich'naj, Salum sbi. Li Salume inich'naj, Mibsam sbi. Li Mibsame inich'naj, Misma sbi.
26Li xnich'on Mismae Hamuel sbi. Li xnich'on Hamuele Zacur sbi. Li xnich'on Zacure Simei sbi. 27Li Simeie oy vaclajuneb (16) squeremetic xchi'uc vaquib stsebetic. Yan li sbanquiltaque mu'yuc ep xnich'nabic, jech muc xbol lec smomnich'nabic jech chac c'u cha'al smomnich'nab li Judae. 28Le'e ja' te inaquiic ta Beerseba, ta Molada, ta Hazar-sual, 29ta Bilha, ta Ezem, ta Tolad, 30ta Betuel, ta Horma, ta Siclag, 31ta Bet-marcabot, ta Hazar-susim, ta Bet-birai, xchi'uc ta Saaraim. Le'e ja' slumalic o c'alal to i'och ta ajvalilal li Davide. 32Xchi'uc oy yan vo'ob bic'tal lumetic yu'unic. Ja' Etam, Aín, Rimón, Toquén, Asán. 33Xchi'uc ja' yu'unic noxtoc li tsobtsobnaetic ti te nopajtic ta lumetic c'alal to ta Baalate. Le'e ja' slumalic icom o li smomnich'nab Simeone.#Jos 19.2-8.
34Ja'o te xtal noxtoc Mesobab, Jamlec, Josías xnich'on Amasías, 35Joel, Jehú xnich'on Josibías. Li Josibiase ja' xnich'on Seraías. Li Seraiase ja' xnich'on Asiel. 36Ja'o te xtal Elioenai, Jaacoba, Jesohaía, Asaías, Adiel, Jesimiel, Benaía, 37Ziza xnich'on Sifi. Li Sifie ja' xnich'on Alón. Li Alone ja' xnich'on Jedaías. Li Jedaiase ja' xnich'on Simri. Li Simrie ja' xnich'on Semaías. 38Scotol ti jayib iloc' sbiique ja' banquilaletic yu'un ta jujuchop sbiic. Li yalab xnich'nabique ibolic ta jyalel. 39Ic'otic c'alal to ta yochebal lum Gedor c'alal to ta xocon stenlejaltic ta stuq'uil sloq'ueb c'ac'al.#4.39 C'ac'al - Oy boch'o chalic jtotic. Yu'un te bat st'unic bu oy lec sve'el xchijic. 40Te la staic lec jobeltic, lec pulem xchi'uc lec uninic. Xchi'uc lec jamal la staic li banamile, jech lec jun yo'ntonic. Ja' te to'ox nacalic li smomnich'nabtac Cam ta vo'onee. 41C'alal ochem ta ajvalilal ta Judá li Ezequiase, ja'o te ic'otic li viniquetic li' ivinajan sbiique. C'ot soquesic scotol c'alal ta carpanaetic ti te oy la staique. Ja' te inaquiic o li stuquique yu'un ja' oy lec sve'el xchijic te. 42Jech noxtoc oy vo'ob ciento viniquetic yu'unic ibatic ta vits Seir, ja' smomnich'nabtac li Simeone. Ja' laj yiq'uic batel ta banquilal soldado yu'unic li Pelatías, Nearías, Refaías, xchi'uc Uziel xnich'on Isie. 43C'ot yulesic scotol li scomelal amalequetique. Jech te inaquiic o c'alal to tana.
Currently Selected:
1 Crónicas 4: TZE97
Highlight
Share
Copy
Want to have your highlights saved across all your devices? Sign up or sign in
Tzotzil Chenalhó DC Bible © Sociedad Bíblica de México, a. c., 2002.