Bimwa 9
9
Angelo a itano na angelo a ichamano bawule malimba ma bango.
1Na angelo a itano awulaki ilimba. Na nga yènèki moti mwango mochònòki ikolo mokwaki o che. Baphèki wango mwan’a phungula a ibela a dunganya (edi wana meya mitenela).
2Na wango adipholaki ibela a dunganya, dyango, na nchumbele itubaki o cha dyango ko nchumbele a motumbu monè bona, na bucha na l’aire (edi motwatwa mowulembe) bichekwaki biyindaki tonga na nchumbele dyango ichònòki o ch’ibela.
3Na ikanda a matètè itubaki o cha nchumbele, dyango iphanchanaki o che. Baphèki mango chwa ko yango edi na bakoto o che bona.
4Bachimbaki mango bwe: tadyobizake biyembu moto elenge elenge nyò milange, tadyobiza ko bakoncha bango badi ndembo a Nzambe a mabocho ma bango twa.
5Baphèki mango chwa ichèbiza bato bawòli batano, ko oboma bango ka. Chachela yango mango maphèki bango ebèki ko chachela yango koto atwe moto bona.
6O bobiko bwango bato tayenga ncha iwa, ko bango tidwi ncha yango. Bango tayilela manchoto na bowe, ko bowe tolongwa o nch’edi bango.
7Edyalele a matètè ebèki ko bayanga balòngibe tonga n’ikiè o bita bona. O mitu ma bango ebèki na beka biwulaki bangula n’èlenge ko or bona. Mabocho ma bango mawulaki ma bato.
8Chwe a mango iwulaki a batò, na mino ma mango mibèki ko ma balion bona.
9Machomba ma mango mawulaki eyeka èdunga. Ikito a maphaphu ma mango ibèki ko ikito a machini mango bayanga balute okomo bango bakiè o bita bona.
10Mango mabèki na midyale na michanga ko ma koto bona. Chwa a mango ebèki o cha midyela ma mango tonga n’ichèbiza bato bawòli batano.
11Mokonchi ma mango ebèki angelo a ibela a dunganya, kombo a mwango o elobele a hébreu bwe: Abaddon, o elobele a grec bwe: Apollyon.
12Mawa matabocho m’ichilolekane. Kieka o chima yango eya dyò mawa makbwi mabale.
13Na angelo a ichamano awulaki ilimb’a wango. Na nga wokaki ikingo dyango ichònòki o machèkè manè mango mabèki o autel a or, bwango bobèki o bocho ba Nzambe,
14mango malobaki na angelo a ichamano wango abèki na ilimba bwe: ”Wutola bangelo banè, bango badi bakangibaki okbòlòkò a ebale, kombo a yango: Euphrate.
15Na bangelo banè bango bawutwibaki, bango babèki banyèki n’iboma ika dyò a bato o tata elembe a bucha òchonga, na bucha bòchonga, na wòli òchonga, na mbula òchonga, byango bibichochiba.
16Na bokama ba bakoncha bango badyaki bwa o bayanga bobèki: deux myriades de myriades (motwatwa 200,000,000) nga wokaki bwe, bokama ba bango bobèki kobona.
17O ch’èmwa a nga, nga yènèki bayanga na bakoncha bango badyaki bwa ikolo na bango, bango babèki na bidunga b’èlenge a meya na b’èlenge a hyacinthe, na ko b’èlenge a soufre bona o machomba ma bango, na mitu ma bayanga miwulaki mitu ma balion, na o cha mina ma bango etubaki meya na nchumbele na soufre (Soufre ewule meya ma mbabe).
18Beka bichato byango bitubaki o cha mina ma bango bi, bibomaki ika a bato a ichato.
19Tonga chwa a bayanga ebèki o cha mina ma bango na o bichumbu ba bango, bichumbu ba bango biwulaki michèmè, na bibèki na mitu, bango bachèbizaki bato na byango.
20Ko bato bango babota na bowe na beka bichato bi ka, bango baboyencha mitema ma bango tonga n’ilangwa o matoma ma bango mabe ka. Bango baboyò enongo ichambela biyaye bibe na bilenge b’èdunga, na or, na argent, na airain, na maboko na milange ka, beka byango bidi oyicha boyènè ka, oyicha bowoke ka, oyicha botambole ka.
21Bango baboyencha mitema ma bango o nch’iboma bato, na o ncha botoma ba bongoncha, na onch’a bochembi, na oncha eyiba ka.
Currently Selected:
Bimwa 9: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
