Bimwa 8
8
Mwan’a gbata amiche ndembo a mochabali. Jean ayènè bangelo mochabali na malimba mochabali. Bangelo batabocho banè bawule malimba.
1Na okomo Mwan’a gbata amichaki ndembo a mochabali, ikolo idimelaki myò ndambo elembe a bucha.
2Na nga yènèki bangelo mochabali bango badi chu o bocho ba Nzambe, baphèki bango malimba mochabali.
3Na wona angelo ayakaki, atèmèki chu kbamu na autel, bwango bodi o bocho ba trône, na wango abèki na kobo a or na mananachi, baphèki wango mananachi makama, tonga wango tachanginya mango na mayonga ma bato b’èchwa bachò o autel a or, bwango bodi o bocho ba trône.
4Na nchumbele a meya ma mananachi na mayonga ma bato b’èchwa bichònòki o ebòkò a angelo na bitutaki o bocho ba Nzambe.
5Angelo akwaki kobo a mananachi, atondizaki wango na meya ma autel, n’awuchaki myango o che. Etubaki makingo na biluncha na bangachi na che enyalwaki.
6Na bangelo mochabali bango babèki na malimba mochabali balongeleki tonga n’idyala banyèki n’iwula mango.
7Okomo angelo atabocho awulaki ilimb’a wango, etubaki manyali na meya, bachanginyaki byango na malongo, na bawuchaki byango o che. Ebati a che a ichato edikaki na ika ichato a milange idikaki, na biyembu bichò bidikaki.
8Na angelo mobandi awulaki ilimba. Etubaki ko bokoli bonè, bwango bololaki bona, na bowuchibaki o may manè, na ebati a ichato a may manè echekwaki malongo.
9Na beka ba bomwè bichò byango bibèki o cha may manè byango biwaki o ika dyò a ichato, na ika a ichato a machwa idyoboki.
10Na angelo a ichato awulaki ilimba. Na moti monè mwango mololaki mochònòki ikolo, mokwaki ikolo na bibale na banchomba.
11Kombo a moti mwango: Absinthe (edi motwatwa Bololo) ika a may a ichato ichekwaki bololo, na bato bakama bawaki tonga may machekwaki kota bololo kobona.
12Na angelo a inè awulaki ilimb’a wango. Na bucha na wòli na mieti bibètibaki, na kobona ika a ichato a byango idyoboki, kobona phololo a mieche na mikolo edyoboki.
13Na nga yènèki na nga wokaki ngongonyoli awumbwaki o phanyak’a ikolo na che, alobaki nikichi bwe: ”Mawa, mawa, mawa, ma bakoncha bango badyale o che tonga na malimba machato mango bangelo tawula.”
Currently Selected:
Bimwa 8: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
