Popular Bible Verses from Bimwa 9

Share

Ko bato bango babota na bowe na beka bichato bi ka, bango baboyencha mitema ma bango tonga n’ilangwa o matoma ma bango mabe ka. Bango baboyò enongo ichambela biyaye bibe na bilenge b’èdunga, na or, na argent, na airain, na maboko na milange ka, beka byango bidi oyicha boyènè ka, oyicha bowoke ka, oyicha botambole ka. Bango baboyencha mitema ma bango o nch’iboma bato, na o ncha botoma ba bongoncha, na onch’a bochembi, na oncha eyiba ka.

Na ikanda a matètè itubaki o cha nchumbele, dyango iphanchanaki o che. Baphèki mango chwa ko yango edi na bakoto o che bona. Bachimbaki mango bwe: tadyobizake biyembu moto elenge elenge nyò milange, tadyobiza ko bakoncha bango badi ndembo a Nzambe a mabocho ma bango twa.

Na angelo a itano awulaki ilimba. Na nga yènèki moti mwango mochònòki ikolo mokwaki o che. Baphèki wango mwan’a phungula a ibela a dunganya (edi wana meya mitenela).

Baphèki mango chwa ichèbiza bato bawòli batano, ko oboma bango ka. Chachela yango mango maphèki bango ebèki ko chachela yango koto atwe moto bona.

Mokonchi ma mango ebèki angelo a ibela a dunganya, kombo a mwango o elobele a hébreu bwe: Abaddon, o elobele a grec bwe: Apollyon.