Bimwa 7
7
Bana ba Nzambe batikibe ndembo. Eyembo a ebuliki enè a botochibe.
1Chima yango nga yènèki bangelo banè batemèki chu o matumu ma che manè, tonga n’ikanda binguchi ba che binè, mòchi enguchi edyale odumba nyò o che nyò o may manè nyò o molange nyò mò ka.
2Na nga yènèki wona angelo achònòki o nch’èbati yango bucha boya, wango abèki n’èyeka a Nzambe ikòtè ndembo, wango abelelaki nikichi o ma bangelo banè, bango batindibaki tonga n’idyobiza che na may manè, bwe:
3”Tòdyobizake nyò che, nyò may manè, nyò molange nyò mò kokoko ncho o banga tatika ndembo a mabocho ma bachali ba Nzambe a banga.”
4Na nga wokaki bokama ba bana b’Israël bango batikibaki mandembo bobèki, mituku kama mò na mako manè n’inè.
5O dia a Juda ekòtibaki mituku dyomu na mibale, O dia a Ruben ekòtibaki mituku dyomu na mibale, O dia a Gad ekòtibaki mituku dyomu na mibale,
6O dia a Aser ekòtibaki mituku dyomu na mibale, O dia a Nephthali ekòtibaki mituku dyomu na mibale. O dia a Manassè ekòtibaki mituku dyomu na mibale.
7O dia a Simèon ekòtibaki mituku dyomu na mibale, O dia a Lévi ekòtibaki mituku dyomu na mibale. O dia a Issacar ekòtibaki mituku dyomu na mibale.
8O dia a Zabulon ekòtibaki mituku dyomu na mibale. O dia a Joseph ekòtibaki mituku dyomu na mibale, O dia a Benjamin ekòtibaki mituku dyomu na mibale.
9O chima yango nga yènèki ebuliki a bato enè, edi moto nyò mò iyicha bobale bokama ba yango twa, ebuliki a bato ba bilenge bichò, na ba madia machò, na bato ba bilobele bichò, batemeki chu o bocho ba trône na Mwan’a gbata, na babichwa balobu baphumbaki bachachanda, bapholaki o matindi, babèki na mango ma mikaya gbogbo o mabòkò ma bango.
10Na bango babelelaki muna ko mò bwe: ”Ichungiba idi a Nzambe, koncha wango edi bwa o trône na Mwan’a gbata.”
11N’èbuliki a bangelo bango badyungaki trône na baphomba na banyama bango bachundaki o mangoto na bakuzaki mabocho ma bango o che o bocho ba trône, na bachambelaki Nzambe, balobaki bwe: ”Amen.”
12Botochibe na bokièngu na ingòko na chwa na nguli na bokumu beka bi tidyala na Nzambe a banga biteneli o biteneli. Amen!”
13Wona mò o phanyak’a baphomba alobaki na nga bwe: ”Bakoncha bango badi bachwaki balobu baphumbaki, bango baphole o matindi ba, edi ba nda na bango bachònòki, òwè?”
14Nga yambolaki wango bwe: ”Mokonchi ma nga edyalele yango edi eyebe kò koncha.” Na wango alobaki na nga bwe: ”Yena edi wana bakoncha bango bachònòki o ch’ikambi ikuli, na bango babichoza bilamba ba bango, na babichekola byango biphumbaki na malongo ma Mwan’a gbata.
15Echoko o bango baya chu o bocho ba trône a Nzambe tonga n’ikiela matoma ma wango na mieche na mikolo o cha temple a wango yango. Na koncha wango edi bwa o tròne, tatinga tabernacle a wango ikolo na bango.
16Na bango dyò tidyali na nchala na phocha mè, na yangala a bucha dyò tiphomizi bango, na yangala akbwi nyò yò dyòkò twa.
17Tonga Mwan’a gbata wango edi chu otata bocho ba trône tadyala mobateli a bango, na wango takamba bango o banchomba ba may ma bomwè, na Nzambe tawondolo mbicholi ichò o michò ma bango.”
Currently Selected:
Bimwa 7: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
