Bimwa 16
16
Bangelo mochabali baphuke bakobo mochabali ibèli a Nzambe dyango ibèki o cha bakobo mochabali o che.
1Na nga wokaki ikingo a nguli dyongo ichònòki o temple, ilobaki na bangelo mochabali bwe: ”Bokiè, phuka ibèli a Nzambe, dyango idi o cha bakobo mochabali o che.”
2Angelo a tabocho akièki n’aphukaki ibèli dyango ibèki o kobo a wango o che. Na maphota ma biphele matubanaki o manchoto ma bakoncha bango babèki na ndembo a nyama a ibèli na bachambelaki elenge a wango.
3Angelo a mobandi aphukaki beka byango bibèki o cha kobo a wango a may manè, na may machekwaki malongo, mango mawulaki malongo ma moto mowaki, na beka bichò byango bibèki na bomwè o may manè biwaki.
4Na angelo a ichato aphukaki beka byango bibèki o cha kobo a wango o bibale na banchomba. Na bibale na banchomba bichekwaki malongo.
5Na nga wokaki angelo a may alobaki bwe: ”Kò, Monyèki, k’òdi, na k’òbèki, Kò, Mweèchwa, edi kò koncha echambaki kobona.
6Bango babiphuka malongo ma baphele b’èchwa nà ma mibandi. Echoko nà k’òphèki bango malongo tonga n’inywa yango. Yena kobona edi enyòngò na bango.”
7Na nga wokaki autel bolobaki bwe: ”He, Nzambe Mokonchi, k’òdi Konchayombo. Matòtè ma kò madi nènè na manyèki.”
8Na angelo a inè aphukaki beka byango bibèki o cha kobo a wango o ikolo na bucha. Na bwango boyambaki chwa itumba bato ko meya bona.
9Na o bato badikaki na yangala ekuli, bango bachokoki kombo a Nzambe, koncha wango edi na chwa ikolo na machèbo mango; ko bango baboyencha mitema ma bango ka, na babophè wango botochibe ka.
10Na angelo a itano aphukaki beka byango bibèki o kobo a wango ikolo na trône a nyama a ibèli. Na bokonchi ba wango bochekwaki boyindaki, na bato batwaki malemu ma bango na minu, tonga na chachela.
11Na bango bachokoki Nzambe ikolo tonga na maphota na chachela a bango; bango baboyencha mitema ma bango ka, na bango babolangwa o matoma ma bango ka.
12Na angelo a ichamano aphukaki beka byango bibèki o kobo a wango ikolo na ebale enè, kombo a yango Euphrate. Na ebale ewelelaki echò, tonga n’itubiza manè ma mikonchi myango tichònò o l’orient.
13Na nga yènèki etubaki o muna ma dragon na o muna ma nyama a ibèli na o muna ma mobandi ma bwanya biyaye ba mbindo, byango biwulaki biphophanda.
14Byango bidi biyaye ba Molemba, byango bikiele matoma machimube, byango biphanchane o ch’echò tonga n’ikonginya mikonchi tonga n’imana bita o bucha bonè ba Nzambe, Konchayombo.
15Kieka nga ya ko moyibi bona, edi moni na koncha wango ebatele na echobe bilamba ba wango, mòchi wango adyale odyala bolumbu tonga n’iyeniza choni a wango ka.
16Na byango bikonginyaki myango o enongo etangibe o elobele a hébreu bwe, Harmaguéddon.
17Na angelo a mochabali aphukaki beka byango bibèki o kobo a wango o l’air (o dindo) n’ikingo itubaki o cha temple ichònòki o trône, ilobaki bwe: ”Ikieliba ichila.”
18Na kinòwa etubaki bangachi, makingo an biluncha na etubaki bonyalwe bonè, kokoko ncho o bophotiche ba che, na o bato batulibaki ebotuba bonyalwe nyò bò bokuli ko bwango buna ka.
19Na mboka enè ekwaki n’èbataki bibati bichato, na mamboka ma bato makwabanaki; ko Nzambe abatelaki mboka enè Babylone tonga n’inyweza yango kobo a du vin ikuli a ibèli a wango.
20Na bichanga bichò bilemwaki, na makoli maboyènènè dyòkò ka.
21Na manyali mananè na bodito ko talent bona (talent edi 30 kilo) machònòki ikolo na makwabanaki ikolo na bato; ko bato bachokoki Nzambe tonga na chachela a ichèbo a manyali tonga ichè dyango ebèki ikuli.
Currently Selected:
Bimwa 16: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
