Bimwa 17
17
Mwatò a bochembi ikolo na nyama a ibèli. Mwan’a gbata ayiche.
1O phanyak’a bangelo mochabali bango babèki na bakobo mochabali wona mò ayakaki n’alobaki na nga bwe: ”Yaka woni, nga tadikiza kò echambibe yango mwatò a bochembi achambibe botòtè ba wango; mwatò wango edi bwa ikolo na may manè
2edi matò wango mikonchi ma che mikolaki na wango, na wango alangizaki bato ba che na du vin a wango a bochembi.”
3Chima wango akambizaki nga o ch’èyaye o enongo a bobe. Na o enongo yango, nga yènèki mwatò adyaki bwa ikolo na nyama a ibèli motelaki, wango atondaki na makombo ma bichòki, na wango abèki na mitu mochabali na macheke dyomu.
4Na mwatò achwaki bilamba ba pourpre na ecarlate (edi motwatwa bilamba bitelaki moto elenge elenge) na wango achwaki beka ba or, maboko manywayòngò ma motuya, na mayaka, bichò bi ebèki beka bikalibane. Wango abèki na buku ba or, bwango botondaki na beka bibe, na beka ba wango ba bochembi ba mbindo.
5O bocho ba wango ekòtibaki kombo yò etika a yiche bwe: Babylone monè, koncha wango edi nyango a batò ba bochembi o che.
6Na nga yènèki mwatò alangaki malongo ma b’èchwa na ma bandèngè ba Jésus. Na nga bèki n’ichimo okomo nga yènèki wango.
7Na angelo alobaki na nga bwe: ”Kòchimole kobona mbekende? Nga tachakola kò mawò yiche m’èdyalele a mwatò na nyama a ibèli wango wango adi bwa ikolo na wango, nyama wango adi na mitu mochabali na macheke dyomu.
8Nyama ibèli wango k’òyènèki abèki, ko adi dyò twa ko wango tatuba o ch’ibela a meya, ko wango takiè chumbana. Na bakoncha bango babokòtiba makombo ma bango o mokanda ma bomwe o bophotiche ba che ka, tawa n’ichimo okomo bango tayènè nyama ibèli wango ebèki, adi dyò twa, ko wango taya dyòkò.
9Owa edi kokomo bodyale na bokièngu na bolengi. Mitu mochabali edi wana makoli mochabali, mango mwatò adya bwa ikolo na mango. Myango midi wana mikonchi mochabali.
10O phanyak’a myango mina mitano michil’okwe, muna mò modi, ewule mò, okomo mwango tòya, mwango tòchimbama bobiko boki bona.
11Na nyama a ibèli wango ebèki ko adi dyò twa, wango wikoncha adi wana mò mwambi, ko wango adi wana mwe elongo a mikonchi mochabali, na wango takiè tonga n’ichumbana.
12Na mocheke dyomu mango k’òyènèki edi wana mikonchi dyomu, ko myango m’ichokola o bokonchi ka, ko, myango tiyamba chwa a bokonchi elongo yò na nyama a ibèli, ko bobiko boki phencha.
13Mikonchi michò mi midi muna ko mò tonga n’iphè nyama a ibèli chwa na nguli.
14Na bango tamana na Mwan’a gbata, ko Mwan’a gbata na bakoncha bango babwangibaki, na bacholibaki n’èlongo a b’ètungu, bango balondo Mwan’a gbata bango tayicha bango, tonga Mwan’a gbata adi Mokonchi ma mikonchi, na Golophuma a bagolophuma.
15Na wango alobaki na nga dyòkò bwe: ”May mango k’òyènèki, enongo yango mwatò a bochembi abèki bwa, edi wana bato na bibuliki ba bato, bato ba madia makama na bilobele bikama.
16Na macheke dyomu mango k’òyènèki na nyama a ibèli tayina mwatò, tachekola wango moyoko na bolumbu, tadya nchoto a wango na tatumba wango o meya.
17Tonga Nzambe abikana edyalele ikiela beka byango wango adinge bokiele o cha mitema ma bango, bango bachò tadyala muna ko mò, tonga n’ikiela kobona, na mikonchi myango tiphè chwa a myango na nyama a ibèli kokoko ncho mawò mango Nzambe alobaki tatunywiba.
18Na mwatò wango k’oyènèki, edi wana mboka enè, yango edi na chwa ko mikonchi bona tonga n’ikomanda mikonchi ma che.
Currently Selected:
Bimwa 17: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
