Bimwa 15
15
Bangelo mochabali na mabonganaka ma bochiliche. Eyembo a Moïse na Mwan’a gbata.
1Na nga yènèki ndembo akbwi enè na echimube ikolo. Bangelo mochabali bango babèki na mabonganaka mochabali mango tadyala ma bochukele, tonga ibèli a Nzambe titunywiba o cha mango.
2Na nga yènèki wona mò abèki ko elenge a may manè ma tatala machanganaki na meya bona, na bakoncha bango bayichaki bowunche nyama a ibèli n’èlenge a wango na imelo a kombo a wango batemeki chu ondo, na bakiètèmbè o mabòkò ma bango.
3Na bayembaki eyembo a Moïse, mochali a Nzambe na eyembo a Mwan’a gbata, balobaki bwe: ”Matoma ma kò madi mananè na machimube. Kò, Mokonchi Nzambe Konchayombo; manè ma kò madi manyèki na nènè, Kò Mokonchi ma bato.
4Ne tedyala otila kò ka, n’otocha kò ka, nda? Mwè echwa edi ke ko kò phencha. Bato bachò taya tonga n’iyechambela o bocho ba kò. Tonga beka ba kò b’ichamba botòtè biyèniba.”
5O chima yango nga yènèki temple a tabernacle a mawò mango mamwanywibe adiphwaki.
6Na bangelo mochabali babèki na mabonganaka mochabali batubaki o cha temple, bachwaki bilamba ba cheche ba lin bikalebane, na bango bachwaki bakamba ba or o machomba ma bango.
7Na o elongo a banyama banè wona mò aphèki bangelo mochabali bakobo ba or mochabali, bango batonaki n’ibèli a Nzambe, koncha wango edi na bomwè biteneli o biteneli.
8Na temple atondaki na nchumbele a botochibe na chwa a Nzambe, o mabonganaka mochabali mango mabèki na bangelo mochabali, o mango mabach’otunywiba ka ebèki moto nyò mò iyicha bokole o cha temple twa.
Currently Selected:
Bimwa 15: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
