Hébreu 13
13
Mateyo tonga m’idyala na bomwè b’èchwa, bowoke muna ma badikichi, boyonge tonga na bango. Mibècho.
1Bodyalaka n’èlumba ngingi na banyango ba baphele (b’èbati a Nzambe).
2Bodyalaka na bodingo b’iyamba babutu, tonga bana baninga babichundiza bangelo ko babutu bona, ko bango makoncha baboyeba edyalele yango ka.
3Botabinyaka baninga bango badi o cha monyoli, motwatwa ko ebèki beni makoncha bona, bochimunyaka bakoncha bango badi o cha monyoko, tonga na beni makoncha bodi na manchoto.
4Malonga ma beni madyalaka manyèki o phanyak’a beni bachò, na tange a bolonga edyalaka n’èchwa, moto a bochembi wango ebome malonga, wango tikochwi n’ichèbo a botòtè ba Nzambe.
5Todyalake molika m’idwa, bodingaka edyalele yango edi na beni, tonga wango koncha abiloba bwe: ”Nga tilangwi o ma kò, na nga tikakwi na kò,”
6na kobona banga boyiche bolobe na bokili bwe: ”Mokielichi a nga edi Mokonchi, na kobona nga tidyali na bobo. Bato bayiche bokiele na nga nde?”
7Bobatelaka badikichi ba beni, bango bachakolaki beni mawò ma Nzambe, bokiekaka bochukele ba bomwè ba bango, na bolondoko nà beni ncha ko yò n’èchingane a bango.
8Jésus Christ adi elenge ko yò lobi, na lebo na o biteneli.
9Tochimitake bwe, bato balenguze beni o cha mayekola m’ichwa moto elenge elenge. Tonga eleki bonyòngò motema modyale n’ichimbo o cha grâce, odya na bekidya ba sacrifice ka, tonga bakoncha bango bachinganaki kobona, bango babodwa bonyòngo tonga n’èyeka yango ka.
10Banga bodi na autel, bwango bakoncha bango bakiele mochalo o tabernacle badi chwa idya o cha bwango twa.
11Edi nchu kobona malongo mango machònò o manchoto ma banyama, moyekuchi monè akwe mango, akiè na mango o ch’ènongo yango eleki èchwa tonga n’imicha machuma, ko manchoto ma banyama tatumbiba o dindo o bili ba bobalaka.
12Ebèki nà na Jésus elenge ko yango, wango achèbèki o dindo o bili ba bobalaka o ichuku a mboka tonga n’inyèza bato na malongo ma wikoncha.
13Tika na bèni bokiè o ma wango o bili ba bobalaka, tonga n’iyèyamba dyanchi a wango.
14Tonga owoni bèni bodi odyala o mboka yango etenele ka, ko bèni boyenge mboka yango oteya.
15Na kobona, tika bèni bophè basacrifice ba botochibe na Nzambe mutu wango, owana kobona yena edi mo botochibe ba muna mango motoche kombo a wango.
16Tobungake ekabele ikaba beka ba beni na baninga, tonga basacrifice elenge yena baphè Nzambe moni.
17Bowokaka muna ma badikichi ba beni, na botulizaka manchoto ma beni o bocho ba bango, tonga bango bakoncha o babatele edi biyaye ba beni, na bango tachundiza ndoko tonga na botoma bwango. Tika bango bayiche bokiele kobona na moni, odya na mochaba ka, tonga kobona edi odyala enyòngò na beni ka.
18Bochambelaka tonga na banga, tonga banga bochingane bwe, banga bodi na conscience monyòngò tonga banga bodinge bodyale kota bato o ch’èdyalele a banga echò.
19Na nga teye beni bwe, bolekaka bokiele ekielele ye, yango nga chenize bwe, nga taphèba na beni dyòlò.
20Tika Nzambe a phi, koncha wango etubizaki Mokonchi ma bèni Jésus Christ a cha bowe, na malongo ma mobateli a bagbata monè mabitubiza kano etemu a biteneli.
21Koncha wango enyèze beni o beka binyòngò bichò tonga n’ikiela bodingo ba wango, wango akiele beka byango bidi binyèki o cha beni o bocho ba wango mutu Jésus Christ. Tika wango atochibe biteneli o biteneli. Amen.
22Nga yonge beni banyango ba nga ba baphele bwe, boyambaka mateyo ma kot’èyambele, tonga nga kòtè beni mawò maki bona.
23Boyebaka bwe, biphinchola mwanyango a bole a bèni (ebati a Nzambe) Timothée, mo wango aye woni dyòlò, owana nga taya ba wango.
24Bobèchèkè badikichi ba beni bachò, na b’èchwa bachò. Banyango ba baphele b’Italie babèchè beni.
25Tika grâce edyale na beni bachò.
Currently Selected:
Hébreu 13: BUI1947
Highlight
Copy
Compare
Share
Want to have your highlights saved across all your devices? Sign up or sign in
Published in 1947, by Örebromissionen, now part of the Evangelical Free Church of Sweden (Evangeliska Frikyrkan).
