MENGKAAA 10
10
Wunta tewile
10:1-11
1Ka kukitao aasa mala'eka susua anu moroso metii inso i suruga, mesoumbuako seru, ka toro'ue kongko a wawo uluno ka rupano mengkena kana mata'oleo, ka karuno kana karu api. 2A laro ngkaeno i'inio aasa paluluno wunta kodei anu tewile. Ipelandaakono karu ngkoanano a wawo ntahi ka karu manggalino a wawontolino, 3ka ipebooli saru suara meroku mengkena kana singa anu mengaoli. Ka umarino mebooli, opitu rundu atuu moporongeo suarano. 4Ka mansano opitu rundu anu umari mepau, aku burio, sine kurongeo aasa suara inso i suruga mepau, ”Tondoniomo hapa anu pinaudo opitu rundu atuu ka si burio!”
5 #
Pel. 20:11; Win. 32:40; Dan. 12:7; Amo. 3:7 Ka mala'eka anu kinitaku mentade a wawo ntahi ka a wawontolino, tumandeo kae ngkoanano kontahane i langi, 6ka ipesumpa a nee-Do anu tuwu ranta nahina tampulaano, anu mokogagiomo langi ka luwuno ihino, ka tolino ka luwuno ihino ka tahi ka luwuno ihino, ipotae, ”Nahi ta pinotulu mbo'u! 7Sine i tempono unino tawuwua inso a mala'eka anu ko'opitu, onaemo tewala ipuurio tawuwuano, ka tamo inihii pomputusi rahasia-Do Ue Ala, kana anu Dopaleleako iramo tetenaa-Do, onaemo luwuno nabi.”
8 #
Yeh. 2:8–3:3
Ka suara anu kurongeomo inso i langi atuu, mepau mbo'u ndi ongkue ipotae, ”Lakomo, alaomo paluluno wunta anu tewile a ngkaeno mala'eka, anu mentade a wawo ntahi ka a wawontolino atuu.” 9Ka ku'amba lumako a mala'eka atuu ka umemao ndi onae, ka iweeakune paluluno wunta atuu. Ipotae ndi ongkue, ”Alaomo ka kaanomo; onae ta weweuo kompomu mompemopa'i, sine a laro ngangamu onae ta pinemo'ahi kana siu hoani.” 10Ka ku'amba umalao wunta atuu inso a ngkaeno mala'eka atuu, ka kukaano; a laro ngangaku onae kupemo'ahio kana siu hoani, sine umariku kumaano, kompoku gagi mompemopa'i. 11Ka ipotaeakune, ”Omue asalakono mompau mbo'u anu ta gagi a hadio tongku ka suku ka pau ka mokole.”
Currently Selected:
MENGKAAA 10: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
