Po'unde-unde 95
95
Pepopoto'ori a bawaa pinakambi-Do i Ue
95:1-11
1Aiwamo tomengkokora-kora mawongkoako Ira i Ue,
mengkokora-koraakono torukuno watu tekaduduiato.
2Aiwamo tompe'aro ndi Ondae saru penani pontarimakasi,
kokora-koraako Ira saru penani po'unde-unde.
3Hangano Ondae i Ue onaemo Ue Ala anu langkai,
Mokole anu langkai i wawono luwuno pinesombai.
4Luwuno ondaloano tolino kongko a ngkae-Do,
punsuno luwuno torukuno mbo'u Ondae me'ueo.
5Tahi Ondae me'ueo, Ondaemo anu mokogagio,
ka wita motu'i, kae-Do koa anu weweuo.
6Pewinsomo, aiwamo tompenggolontu mpesomba,
mpenggolontu i aro-Do i Ue anu mokogagi kita.
7 #
Ibr. 3:7-11, 15; 4:3-11 Hangano Ondaemo Ue Alato,
ka ontaemo bawaa pinakambi-Do,
bawaano bimba tinaateno kae-Do.
A oleo andio, tewala mansa imerongeo suara-Do!
8 #
Pel. 17:1-7; Pod. 20:2-13 Si mpokomonteao aroamiu kana i Meriba,
kana tempono i Masa i pada one,
9i tempono dome'ara-arahako Aku uempu'umiu,
me'arahako Aku, kahinaano domengkitao wineweu-Ku.
10Pato pulu nta'u Kumokoburuakono inule asa api atuu,
onaemo ka Kupepau, ”Ondae bawaa anu ntesosaelo aroado,
nahi domento'orio pesalaa-Ku.”
11 #
Pod. 14:20-23; Win. 1:34-36; 12:9-10 Onaemo pu'uno, ka Kupesumpa a laro ntekuda-Ku,
”Nahi ira hori mpewinso a wita penaa-naaa-Ku.”
Currently Selected:
Po'unde-unde 95: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
