Po'unde-unde 81
81
Po'oluako maroa tumondao pesalaa-Do i Ue
81:1-17
1Tiano petewawado anu mpenani. Montonda nanino Gititi. Inso ndi Asapi.
2Kokora-koramo mawongkoako Ira Ue Ala, rosoto,
kokora-koramo mawongkoako Ira Ue Alano i Yako.
3Wuatakonomo penani, po'uniomo rebana,
katapi anu molino unino, tinondaako gambusu.
4 #
Pod. 10:10
Puuriomo tawuwua a wula wo'ohu,
a wula ntii, a oleo langkaito.
5Hangano mongkona atuu aasa pompakosi tiado to Isaraeli,
aasa atora inso ndi Ondae Ue Alano i Yako.
6Gagi asa parenta tiano i Yusupu Dopakosio mongkona atuu,
i tempono Dolako umewaio wita Masiri.
Kurongeo pau anu nahi kuto'orio,
7”Kutandeomo tinembi inso a oweamu,
kaeno tolaomo inso a ngkarandi tinembi;
8 #
Pel. 17:7; Pod. 20:13 a laro ma'isoa omue mebooli, ka Kupotolako;
Kusangkiko inso a mpewunia a laro nseru rundu,
Ku'arahakomumo umpeda uwoi Meriba. Sela
9Rongeomo hei bawaa-Ku, Aku moweeakomiu pepopoto'ori;
hei Isaraeli, tewala beheko rumonge Aku:
10 #
Pel. 20:2-3; Win. 5:6-7 ’Si hina i olomu pinesombai susua,
ka si pesomba a mpinesombai susua.
11Ongkuemo Ue, Ue Alamu,
anu tumaateko meluarako inso i wita Masiri;
pengangamo telangkai, ka Aku mokobukeo.’
12Sine bawaa-Ku nahi domerongeo pepau-Ku,
ka i Isaraeli nahi behe ndi Ongkue.
13Onaemo pu'uno, Kupo'ineeo a laro moteano aroano;
po'ineeomo domentondao po'eheno aroado ondaedo!
14Tewala domeronge Aku bawaa-Ku!
Tewala domentondao to Isaraeli pesalaa-Ku,
15i tempo koa mbo'u atuu iwalido Kupokompetuundu ira,
ka i wawono luwuno iwalido Kupotiio kae-Ku;
16luwuno mia anu umo'aliaako Ira i Ue ira mpetuundu ndi Ondae,
onaemo anu Dotantuiako ira i Ue ranta nahina tampulaano;
17sekono bawaa-Ku Aku pakaako ira gandu anu lalu moiko
ka Aku mokomowohiako ira siu hoani inso a ntorukuno watu.”
Currently Selected:
Po'unde-unde 81: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
