Po'unde-unde 82
82
Ondae Ue Ala a laro nterisoa mempori
82:1-8
1Penani po'unde-undeno i Asapi.
Ondae Ue Ala mentade a nterisoa suruga,
i olodo pinesombai Ondae mobitara,
2”Opia mbo'u tehineno impobitara saru pompokonsii
ka mpe'alaako a mia mosa'o gauno? Sela
3Temoleomo a mia mongkokolaro ka a nana'ote nahina amano,
pe'alakonomo tiado mia marasai ka makura!
4Potola iramo mia marasai ka mongkokolaro,
potola iramo inso a ngkaeno mia mosa'o gauno!”
5Nahi domento'orio ka nahi domponto'ori hapa-hapa,
a laro wongi-wongi dompelempa; leluomo luwuno laro wita.
6 #
Yoh. 10:34
Ongkue isa'a mepau Akumo, ”Lano omiu pinesombai,
ka luwumiu ana-Do Anu Tedoa Mantande,
7sine kana mia komiu memate
ka kana sompo anu pabawa komiu ntedonta.”
8Ipewangumo oo Ue Ala, bitaraomo tolino,
hangano Omiumo anu me'ueo luwuno tongku.
Currently Selected:
Po'unde-unde 82: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
