Po'unde-unde 70
70
Pekakai mo'ema Ondae i Ue ronga montulungi
70:1-6
1Tiano petewawado anu mpenani, Inso ndi Daudi, i tempono mompesombaako pesomba pepopoto'oria.
2 #
Pud. 40:14-18
Oo Ue Ala, Ipotola akumo!
Ue Irongamo tumulingi aku
3Po'ineeomo domempinokoko'ii ka mpohawe pontata
ondae anu mingki mebutao penaaku;
po'ineeomo domposuka ka ikona ira mokoko'iia
ondae anu inehedo ka kumasola;
4po'ineeomo dompewolili hangano mokoko'ii
anu mpotae, ”Losoko! Losoko!”
5Po'ineeomo domemawongko ka mpo'unde hangano Omiu
luwuno mia anu umungke Komiu;
po'ineeomo ondae anu mpokekewoi tekaduduia inso ndi Omiu
wela mpotae, ”Ondae Ue Ala langkai!”
6Sine ongkue andio marasai ka mongkokolaro;
oo Ue Ala, Ipontuturakomo aiwa!
Omiumo anu tumulungi aku ka motola aku;
oo Ue, Iliumo hawe!
Currently Selected:
Po'unde-unde 70: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
