Po'unde-unde 62
62
Rodo butu umpeda ndi Ondae Ue Ala
62:1-13
1 #
1Taw. 16:41
Tiano petewawado anu mpenani. Montonda Yedutuni. Penani po'unde-undeno i Daudi.
2Butu koa umpeda ndi Ondae Ue Ala kurodo,
insomo ndi Ondae tekaduduiku.
3Butu koa Ondae torukuno watuku ka tekaduduiaku,
kota benteku, nahi aku hori telelu.
4Opiapo mbo'u tehineno luwumiu mingki mensapoio asa mia,
tendeano mingki mensolangio,
kana a rere anu tengkoo, a rere watu anu ta tebangku?
5Mentee ntu'u, mpotoo ira mpepasiakono inso a mpentoroano anu mantande,
ondae anu inehedo mpegaupi;
saru ngangado domporonso,
sine i laro aroado mpontotonaa ira. Sela
6Penoro-noro i aro-Do koa Ue Ala, hei sumangaku,
hangano insomo ndi Ondae pomperorohiaku!
7Butu koa Ondae torukuno watuku ka tekaduduiaku,
kota benteku, nahi aku telelu.
8Ndi Ondae Ue Ala po'iangano tekaduduiaku ka marambaku;
torukuno watu rosoku, pepekaduduiaku ndi Ondae Ue Ala.
9Pe'ala-ala Iramo sompo tempo, hei bawaa,
pauomo ihino aroamu i aro-Do;
Ondaemo Ue Ala pepekaduduiato. Sela
10Butu koa angi luwuno mia anu pinokongkurama,
butu pegaupido mpena mia anu maramba.
Tewala tinimba, ondae ntetande kontahane,
mperonga-ronga ira mbo'u monongkoopo sekono angi.
11Si mpompe'ala-ala a pompokonsiia,
si pomperorohi anu nahina tuduno a rinontu;
tewala arataa koteti-tetiangino,
si petako aroamu ndi onae.
12Asa rupa Dopauo Ue Ala,
orua rupa kurongeo:
nine roso kongko ndi Ondae Ue Ala,
13 #
Ayb. 34:11; Yer. 17:10; Mat. 16:27; Rom. 2:6; Meng. 2:23 ka ndi Omiu, oo Ue, hinao pompehohawa;
Omiu sumuloo
sompo mia montonda wineweuno.
Currently Selected:
Po'unde-unde 62: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
