Po'unde-unde 61
61
Pekakai mo'ema pekadudui
61:1-9
1Tiano petewawado anu mpenani. Saru pemaeno katapi. Inso ndi Daudi.
2Po'ineeomo ka Irongeo pebooliku, oo Ue Ala,
perioomo pekakaiku!
3Inso i tompano tolino kupebooli ndi Omiu, hangano telusa aku mokendo;
Itaate akumo lumako a ntorukuno watu anu kontasi-tasi ondau i wawoku.
4Mentee ntu'u Omiu gagi Komiumo pepekaduduiaku,
menara anu moroso te'aro a iwali.
5Po'ineeomo kupo'ia a laro ngkema-Miu ranta nahina tampulaano,
po'ineeomo kupepekadudui i totono pe'egoano pani-Miu! Sela
6Mentee ntu'u, Omiu, oo Ue Ala, Irongeomo pontangaku,
Ipowee akumo tia meronga ondae anu doitoakono nee-Miu.
7Tiangiomo tinuwuno mokole,
po'ineeomo ka imelai tinuwuno hawe ba opia inule,
8po'ineeomo ka ipo'ia mpiha i aro-Do Ue Ala,
pakosiomo pompehohawa ka menteea dumagaio.
9Ka aku menani umunde-undeo nee-Miu ranta nahina tampulaano,
umowahio pontangaku oleo me'eu oleo.
Currently Selected:
Po'unde-unde 61: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
