Po'unde-unde 63
63
Kumekewoi Ira Ue Ala
63:1-12
1 #
1Sam. 23:14
Penani po'unde-undeno i Daudi, tempono onae kongko i pada one Yehuda.
2Oo Ue Ala, Omiumo Ue Alaku, mo'o-mo'oru ku'ungke Komiu,
sumangaku mokoranga ndi Omiu,
koroiku mokendo kumekewoi Komiu,
kana wita anu motu'i ka mokoranga, nahi me'uwoi.
3Kanatuumo kupo'aroo mataku ndi Omiu
a mpo'ianga mempori, ka kukitao roso-Miu ka maramba-Miu.
4Hangano pompehohawa-Miu moikoopo sekono tuwu;
wiwiku ta melangkai Komiu.
5Kanatuumo aku umunde-unde Komiu asa ntinuwuku
ka pauo nee-Miu saru kae tetande.
6Sumangaku kana pinokomowohiako untolaa anu mo'ahi ntu'u,
ka saru wiwi anu kokorakora mo'unde ngangaku menaniako po'unde-unde.
7Tempono kurambe Komiu a mpoturiaku,
kupo'ia mewowolo Komiu asa mpodagaia wongi;
8hangano gagi Komiumo tumulungi aku,
ka i totono pe'egoano pani-Miu kukokora-kora mo'unde.
9Sumangaku metako ndi Omiu,
kae ngkoana-Miu tumumbo aku.
10Sine mia anu mpontoo momporaakono penaaku,
ira mpewinso a mpo'iangado mia mate.
11Ira mempineweengako a mata mponai,
ira megagi kaangado dahu a ntobu.
12Sine mokole ta mawongko aroano ndi Ondae Ue Ala;
sompo mia anu mesumpa a nee-Do, ta mo'unde,
hangano ngangado mia anu mpompau pegaupi ta inonso.
Currently Selected:
Po'unde-unde 63: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
