Po'unde-unde 60
60
Pekakai mo'ema ponangia
60:1-14
1Tiano petewawado anu mpenani. Montonda nanino Sisi Bonse Ponsakosii. Mikitami inso ndi Daudi ka ipinaguruako, 2#2Sam. 8:13; 1Taw. 18:12tempono ipeteaako ira to Arami-Mesopotamia ka to Arami-Soba, ka tempono i Yoabi mansano mekule numangi iramo hopulu ka orua nsowu to Edomi i Lembono Mopa'i.
3Oo Ue Ala, Itadi kamimo ka I'alu kami;
tekuda Komiumo; Ipomule kamimo!
4Iwembuomo tolino ka bansio witano;
Ipomuleomo tebobokano, hangano tolino melelu.
5Iweweu iramo bawaa-Miu mpompebasai marasaia anu mobea,
Ipoweeakamimo mpo'inu anggoro anu mompokomokolili.
6Sine ndi ondae anu medoito ndi Omiu Ipoweeako iramo petondoni,
ka dompolai inso a mpana. Sela
7 #
Pud. 108:7-14
Ikaduduiakamimo kae ngkoana-Miu ka Isangki kamimo,
ka domentolamo mia anu kinekewoi-Miu.
8Ondae Ue Ala mepau Iramo a mpo'ianga mempori-Do,
”Saru pohio mpetea Aku tumia-tiao Sikemi,
ka lembono Sukoti Aku sumongkao.
9Ongkuemo me'ueo Gileadi, Ongkuemo me'ueo Manase,
Eparai onaemo pe'engoiano ulu-Ku, Yehuda onaemo tuko poparentaa-Ku;
10Moabi onaemo pewo'ohia-Ku,
ndi Edomi kupetadiakono solopi-Ku,
hangano Pelisitea Kukokora-kora mo'unde.”
11Isemake anu ta wawa aku a ngkota anu mebente?
Isemake anu tumaate aku lumako i Edomi?
12Kombake Omiu, oo Ue Ala, anu tumadi kamimo?
Omiu nahi lako, oo Ue Ala, meronga-ronga bawaano sorodadumami.
13Ipoweeakamimo pepetulungi mo'aropi iwali,
hangano nahina pengkonaano pongkadudui inso a mia.
14Saru Ondae Ue Ala tomeweweuo luwuno wineweu moroso ka mosia,
hangano Ondae isa'a Ira lumolandao luwuno iwalito.
Currently Selected:
Po'unde-unde 60: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
