Po'unde-unde 58
58
Te'aro a mia langkai potorono anu lambaha
58:1-12
1Tiano petewawado anu mpenani. Montonda nanino Si Poropu. Mikitami inso ndi Daudi.
2Mentee ntu'uke omiu mpoputusi anu moleo' hei luwuno anu pabawa?
Saru moleoake imebitara ira anano mia?
3Tendeano mpoweweu komiu mosa'o i laro aroamiu,
kaemiu mompatinda sala mpoweweu pompokonsiia i tolino.
4Mompu'u domehina mia mosa'o gaudo mepansia iramo,
mompu'u inso a mpe'anakaa puu mpegaupi ntesaa iramo.
5Ipodo mengkena kana ipono ule,
ondae kana ule mo'ito mobongo anu umonsoo birino,
6ranta nahi rongeo suarano puu mpesumpa
ke suarano puu mpobasa tino'ori anu pande.
7Oo Ue Ala, Ipurooako iramo ngisido a laro ngangado,
puduako iramo luwuno ngisido singa mongura, oo Ue!
8Po'ineeomo dontetadi kana uwoi anu waa tampula!
Po'ineeomo domegagi moleu kana ewo a nsala!
9Po'ineeomo domengkana uho anu gagi meraa,
kana anadalo anu te'onini anu nahi kitao mata'oleo.
10Se'eluno luwuno kuro mpompembasai apino ewo rui,
ba molowulu ke mokari, po'ineeomo i'alu ira.
11Mia mentee ta mo'unde, hangano onae kumitao pombaloa,
onae ta wo'ohio karuno a laro reano mia mosa'o gauno.
12Ka mia ira mpotae, ”Menteeano hinao tambono mia mentee,
menteeano hinao Ue Ala anu mompowee moleoa i tolino.”
Currently Selected:
Po'unde-unde 58: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
