Po'unde-unde 46
46
Ondae Ue Ala, kota benteto
46:1-12
1Tiano petewawa anu mpenani. Inso a inuleno i Kora. Saru nanino Alamoti. Penani.
2Ondae Ue Ala atuu ndi ontae pepekaduduia ka roso,
gagi pontulungi a laro ma'isoa tedoa mengkaa.
3Onaemo pu'uno nahi kita medoito, maupo tolino melelu-lelu,
maupo luwuno torukuno reensu a laro ntahi;
4maupo mowo langkai ka mewure uwoino,
maupo luwuno torukuno leelu hangano pebundeno. Sela
5Hinao asa korono, luwuno waaano mokonsanaao kota-Do Ue Ala,
po'ianga mempori-Do Anu Tedoa Mempori.
6Ondae Ue Ala kongko Ira i larono, kota atuu nahi ta reensu;
Ondae Ue Ala Ira tumulungio umpeda meene.
7Luwuno tongku mpohohoi, luwuno poparentaa telelu.
Dopoporongeo suara-Do, ka tolino mondidi-ndidi.
8Ondae Ue Alano luwuakoano kumongkomi kita,
kota benteto Ondaemo Ue Alano i Yako. Sela
9Lakomo, kitaomo inangga-Do i Ue,
anu weweuo poropua i tolino,
10anu mokompenaa-naao peteaa hawe i tompano tolino,
anu puduo wo'eno pana, mokobondao kansai,
anu sumongko ira kareta mpetea!
11”Penoro-noromo ka to'oriomo, nine Ongkuemo Ue Ala!
Ongkuemo anu inude-unde i olodo tongku, inunde-unde i tolino!”
12Ondae Ue no luwuakoano kumongkomi kita,
kota benteto Ondaemo Ue Alano i Yako. Sela
Currently Selected:
Po'unde-unde 46: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
