Po'unde-unde 47
47
Ondae Ue Ala, Mokoleno asa wawontolino
47:1-10
1Tiano petewawado anu mpenani. Inso a inuleno i Kora. Penani po'unde-unde.
2Hei luwuno tongku, pontopamo,
totowo Iramo Ue Ala saru pebooli mawongko!
3Hangano mongkokongiri Iramo i Ue, Anu Tedoa Mantande,
Mokole langkaino asa wawontolino.
4Ondae mokompetuundu ira tongku i totono pabawamami,
luwuno suku tongku a toto ngkarumami
5Ondae mobinikiakami wita pusakamami,
pino'undeakono i Yako anu pinehohawa-Do. Sela
6Ondae Ue Ala mewuatako Iramo tinondaako kokora-kora memawongko,
Ondae i Ue tinondaako unino tawuwua.
7Penanimo unde-unde Ira Ue Ala, penanimo unde-unde Ira,
penanimo unde-unde Ira Mokoleto, penanimo unde-unde Ira!
8Hangano Ondae Ue Ala onaemo Mokoleno asa wawontolino,
penanimo po'unde-undeako penani pompaguru!
9Ondae Ue Ala moparenta gagi mokoleno luwuno tongku,
Ondae Ue Ala mo'ia a wawo ngkadera poparentaa-Do anu mempori.
10Mia mempinemota'udo luwuno tongku mpepumpu
gagi bawaa-Do Ue Alano i Burahima.
Hangano Ondae Ue Ala anu me'ueo luwuno kantano tolino;
Ondae tedoa pinokomaramba.
Currently Selected:
Po'unde-unde 47: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
