Po'unde-unde 43
43
1Ipowee akumo moleoa, oo Ue Ala,
ka Ikorahakonomo kara-karaku
a nsuku anu nahi moleo!
Ipotola akumo inso a anu mompopo'oo ka mia molengku!
2Hangano Omiumo Ue Ala peliahakoaku.
Tembio ka Itadi aku?
Tembio asalakono ka kutuwu mompemasusa
i totono pabawano iwali?
3I'oliwiomo mewine-Miu ka pokongkomi-Miu
ka kutinaate
ka winawa a ntorukuno-Miu anu mempori
ka a mpo'ianga-Miu!
4Ka aku lumako a meda pontunua pesomba ndi Ondae Ue Ala,
me'aro ndi Ondae Ue Ala, anu onaemo po'undeku ka mawongkoku,
ka umunde-undea-Komiu katapi,
oo Ue Ala, oo Ue Alaku!
5Tembio ka upompemapari, hei sumangaku,
ka tembio ka udanggara a laro ngkoroiku?
Pomperorohimo ndi Ondae Ue Ala! Hangano aku umunde-unde Ira mbo'u,
anu tumulungi aku ka Ue Alaku!
Currently Selected:
Po'unde-unde 43: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
