Po'unde-unde 4
4
Pekakai tempono wongi
4:1-9
1Tiano petewawado anu mpenani. Saru pemaeno katapi. Penani po'unde-undeno i Daudi.
2Tewala ongkue mebooli, Isangki akumo,
oo Ue Ala, anu mokomentee aku.
A laro ma'isoa Omiu moweeakune koloaa.
Ipehohawa akumo ka Irongeomo pekakaiku!
3Hei luwuno mia anu langkai potorono, opiapo mbo'u tehineno isinosa'ai maramba-Ku,
opiapo mbo'u tehineno imengkekewoio anu nahina tuduno ka mpo'ungke pegaupi? Sela
4To'oriomo, Ondae i Ue Dobinikiomo tia-Do asa mia anu pinehohawa-Do;
Ondae i Ue merorongeakono tewala mebooli aku ndi Ondae.
5 #
Eps. 4:26
Po'ineeomo intekuda, sine si mpoweweu hala;
impepaumo i laro aroamiu a mpoturiamiu, sine impenoro-noro koa mpiha. Sela
6Pesombaakonomo pesomba anu tekona
ka pe'ala-ala Iramo i Ue.
7Hadio mia mpotae, ”Isema anu ta mopokitao anu moiko ndi ontae?”
Po'ineeomo wantano rupa-Miu pansari kami, oo Ue!
8Sine Ipowee akumo mawongkoa i laro aroaku,
lumaloio mawongkoa tempono hadio ntu'u gandudo ka anggoro.
9Saru rodo aku mepombole, ka ku'amba ronga moturi,
hangano butu koa Omiu, oo Ue, anu weweu aku tuwu rodo.
Currently Selected:
Po'unde-unde 4: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
