Po'unde-unde 3
3
Penani mo'oru i larono mo'aropi iwali
3:1-9
1 #
2Sam. 15:13–17:22
Penani po'unde-undeno i Daudi, tempono ipolai inso ndi Abisalo, anano.
2Oo Ue, hadio ntu'u iwaliku!
Hadio mia mentade sumapoi aku;
3hadio mia mepau mongkona ongkue.
”Montonda onae nahina pontulingi inso ndi Ondae Ue Ala.” Sela
4Sine Omiu, Ue, onaemo kanta anu kumadudui aku,
Omiumo marambaku ka anu tumandeo uluku.
5Saru meroku mebooli aku ndi Ondae i Ue,
ka Dosangki aku inso a ntorukuno-Do anu mempori. Sela
6Mepombole aku, ka ku'amba tekoturi;
mewangu aku, hangano Ondae i Ue tumumbo aku!
7Nahi kudoito a pulu nsowuno mia
anu kumadu aku inso a luwuno siuno.
8Ipentademo, Ue, Itulungi akumo, oo Ue Alaku!
Oo, Itunduhiomo asedo luwuno iwaliku,
ka puduo ngisido mia mosa'o gauno.
9Inso ndi Ondae i Ue hawe pontulungiku.
Poronso-Miu po'ineeomo ka ipetii a bawaa-Miu! Sela
Currently Selected:
Po'unde-unde 3: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
