Po'unde-unde 33
33
Po'unde-unde ndi Ondae Ue Alado to Isaraeli
33:1-22
1Imengkokora-koramo memawongko, hei luwuno mia mentee, ndi Ondae i Ue!
Hangano mo'unde-unde atuu tekona a luwuno mia moleo aroa.
2Pontarimakasimo ndi Ondae i Ue mompake katapi,
penanimo unde-undeako Ira gambusu hopulu koloro!
3Penaniako Iramo penani wo'ohu;
tingkoomo katapi temomoiko saru mengkokora-kora mawongko!
4Hangano pau-Do i Ue atuu mentee,
luwuakoano Do'anggaakono petenunu.
5Dopesanaao moleoa ka songka;
tolino bukeako pompehohawa-Do i Ue anu nahi bali.
6Hangano pau-Do i Ue langi pinokogagiomo,
hangano penaano nganga-Do luwuno sorodaduno.
7Ondae pumpuo uwoino tahi kana asa hinowu,
Ondae numaao luwuno tahi malua a laro asa popumpua.
8Po'ineeomo luwuno tolino dumoitoako Ira i Ue,
po'ineeomo luwuno palilino wawontolino dumoitoako Ira!
9Hangano Ondae mepau, ka luwuno gagi;
Ondae mompowee parenta, ka luwuno hinao.
10Ondae i Ue nahi Dopokogagio sinongkado luwuno tongku;
Ondae umoninio sinongkado suku tongku;
11sine tinoo-Do i Ue kongko mpiha ranta nahina tampulaano,
tinoono aroa-Do mapa'api-api inule.
12Me'uraomo tongku, anu Ue Alano onaemo Ondae i Ue,
suku tongku anu bininiki-Do gagi Ondae-Do me'ueo!
13Ondae i Ue mensiro inso i suruga,
Dokitao luwuno anano mia;
14inso a mpo'ianga-Do Doparesao
luwuno palilino tolino.
15Ondae anu weweuo aroado luwudo,
anu merioo luwuno inanggado.
16Asa mokole nahi ta tekadudui hangano hadiono sorodaduno;
asa puu mpetea nahi ta tola hangano langkaino roso.
17Ngara onaemo pomperorohia nahina tuduno ka ihinawe ponangia,
maupo kana'umpe magasino nahi weweuo mia tola.
18Menteeano, mata-Do i Ue te'aro ndi ondae anu doitoako Ira,
ndi ondae anu mpomperorohi pompehohawa-Do anu nahi bali,
19anu motolao sumangado inso a matea
ka mekariao tuwudo i tempono mokoninggoa.
20Sumangato sumisikori Ira i Ue.
Ondaemo puu pontulungito ka kantato!
21Oo, hangano Ondae aroato mawongko,
hangano a nee-Do anu mempori tompompe'ala-ala.
22Pompehohawa-Miu, oo Ue, po'ineeomo ka ikongkomi kami,
kana pomperorohimami ndi Omiu.
Currently Selected:
Po'unde-unde 33: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
