Po'unde-unde 32
32
Me'urano mia anu inampuni halano
32:1-11
1 #
Rom. 4:7-8
Inso ndi Daudi. Penani pompaguru.
Me'uraomo mia anu inampuni polimpa'ino,
anu halano tinutuwi!
2Me'uraomo mia,
anu salano nahi Dopototoio i Ue,
ka anu nahi pe'aroa mompopo'oo!
3I larono kupenoro-noro, luwuno wukuku gagi telusa
hangano mompemasusa aku te'asa oleo;
4hangano meene wongi kae-Miu dumanso aku mobea,
rosoku molema,
kana rinaramiako mokulano tempo motu'i-tu'i. Sela
5 #
2Sam. 12:13
Halaku kupauo ndi Omiu
ka salaku komba kuwunio;
kupotae, ”Kumangakuakono luwuno halaku ndi Omiu Ue,”
ka Itandeomo hala tinembiku. Sela
6Onaemo pu'uno, moikoopo sompo mia moleo mekakai ndi Omiu,
i tempono ma'isoa,
menteeano tempono igagi mowo langkai,
mowo atuu nahi ta umaluo.
7Omiumo pewuniaku,
a ma'isoa Omiu dumagai aku,
Omiu lumimbu aku, ranta kakutola ka mebooli. Sela
8Aku paguruko ka tumisoakomu
pesalaa anu asalakono ka utondao;
Aku moweeakomu patudu,
mata-Ku te'aro ndi omue.
9Si kana ngara ke bagali anu nahina akalano,
anu asalakono inatoraako koloro ka sama,
tewala naahi, onae nahi ta umpedaakomu.
10Hadio pompemahaki pinemarasaino mia mosa'o gauno,
sine mia anu mompe'ala-ala ndi Ondae i Ue
ta lumimbuo pompehohawa anu nahi bali.
11Imemawongkomo ndi Ondae i Ue
ka impeboo-boolimo, hei luwuno mia mentee;
imengkokora-koramo memawongko, hei luwuno mia anu moleo aroano!
Currently Selected:
Po'unde-unde 32: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
