Po'unde-unde 30
30
Penani po'unde-unde hangano tekadudui inso a masolaa
30:1-13
1Penani po'unde-unde. Penani tiano poronsoa Raha Mempori. Inso ndi Daudi.
2Aku umunde-unde Komiu, oo Ue,
hangano Ipadii akumo i wawono,
ka nahi weeako ira iwaliku mpo'undeakune.
3 Ue, Ue Alaku, ndi Omiu kupebooli mepetulungi,
ka Ipokotompa akumo.
4 Ue, Omiu tumande aku inso a ntolinodo mia mate,
Omiu kumaduduio tuwuku ranta nahi kupetii a laro ngkaburu.
5Penaniakonomo penani umunde-unde Ira i Ue, hei luwuno mia anu pinehohawa-Do,
ka impesombaakonomo po'unde-unde a nee-Do anu mempori!
6Hangano sarai koa Dotekuda,
sine pe'aroa-Do asa ntinuwu;
asa wongi hinao pengesea,
tamo hawe mo'oru teronge pebooli mawongko.
7Tempono kumanangai hori aku motae,
”Nahi aku telelu ranta nahina tampulaano!”
8 Ue, hangano Ipemoikoo,
Inaa akumo a wawo ntorukuno anu moroso;
tempono Iwunio rupa-Miu, ka ku'amba tededengke.
9Ndi Omiu, oo Ue, kupebooli,
ka ndi Ondae Ueku kupo'ema pompehohawa,
10”Hapake urano tewala penaaku binuta,
tewala metii aku a laro kekeno kaburu?
Polioke pampawu umunde-unde Komiu
ka paleleo petenunu-Mu?
11Irongeomo, Ue, ka Ipehohawa aku,
Ue, Igagimo pontulungiku!”
12Ponsabangiku Ibaliomo gagi po'ense-ense mawongko,
sangka po'inomboku Ilohuo,
sangka mawongkoa Iponaakune,
13ka ipenaniako sumangaku penani umunde-unde Komiu
ka nahi po'ia rodo.
Ondae i Ue, Ue Alaku, ranta nahina tampulaano
aku menani umunde-unde Komiu.
Currently Selected:
Po'unde-unde 30: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
