Po'unde-unde 29
29
Langkaino pabawa-Do Ue Ala a laro angi mokora
29:1-11
1 #
Pud. 96:7-9
Penani po'unde-undeno i Daudi.
Ndi Ondae i Ue, hei anu mpo'ia i suruga,
weeako Iramo i Ue marambaa ka pabawa!
2Weeako Iramo i Ue marambano nee-Do,
impenggolontumo mpesomba ndi Ondae i Ue a laro mewantano mempori-Do!
3Suara-Do i Ue a wawo uwoi anu i langi,
Ondae Ue Ala anu maramba merundu,
Ondae i Ue a wawo uwoi anu langkai.
4Suara-Do i Ue bukeako roso,
suara-Do i Ue bukeako wanta.
5Suara-Do i Ue puduo keu arasi,
tendeano Ondae i Ue mobangkuo keu arasino Libano.
6Ondae weweuo torukuno Libano melonso-lonso kana anano sapi,
ka torukuno Sirioni kana anano bante.
7Suara-Do i Ue mewurosiako langano api.
8Suara-Do i Ue weweuo pada one mondidi-ndidi,
Ondae i Ue weweuo pada one Kadesi mondidi-ndidi.
9Suara-Do i Ue weweuo rusa waino anu mentia me'ana,
maupo tobu ilondahio;
tekonai a laro raha-Do sompo mia mebooli, ”Pelangkai Iramo i Ue!”
10Ondae i Ue mo'ia a wawo uwoi mowo,
Ondae i Ue mo'ia gagi Mokole ranta nahina tampulaano.
11Po'ineeomo Ondae i Ue ka Dopoweeako ira roso a bawaa-Do,
po'ineeomo Ondae i Ue ka Doronso ira bawaa-Do rodoa ka manangai!
Currently Selected:
Po'unde-unde 29: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
