Po'unde-unde 2
2
Mokole anu inurapi-Do i Ue
2:1-12
1 #
Tin. 4:25-26
Tembio ka domemarisu luwuno tongku,
tembio luwuno suku tongku ka domposongka tepo'asaa anu nahina tuduno?
2Luwuno mokole ntolino mpepatinda
ka luwuno anu langkai potorono ntepo'asa
umewai Ira i Ue ka anu inurapi-Do,
3”Aiwamo tome'otuhio luwuno pompongudo
ka tumadi ira kolorodo inso ndi ontae!”
4Ondae, anu mo'ia i suruga, mengingisi;
Ondae i Ue mopodeu-deu ira.
5Ka Do'amba mepau ndi ondae a laro ntekuda-Do
ka a laro mokulano mosa'ono aroa-Do Dopokontewuka ira,
6”Ongkuemo anu motoroo mokole-Ku
i Sioni, torukuno-Ku anu mempori!”
7 #
Tin. 13:33; Ibr. 1:5; 5:5 Akumo paleleo pompakosi-Do i Ue;
Dopotae ndi ongkue, ”Omuemo ana-Ku!
A oleo andio omue Kupokomengkaako gagi ana.
8Po'emamo ndi Ongkue,
ka luwuno tongku Aku weeakomu gagi tia pusakamu,
ka tompano tolino gagi omue me'ueo.
9 #
Meng. 2:26-27; 12:5; 19:15 Ondae Komiu puroako ira Tarasulu labu,
peha ira kana kuro wita wineweuno puu poweweu koro.”
10Onaemo pu'uno, hei luwuno mokole, impoweweumo a laro pontimbanga anu mentee,
tarimaomo pompaguru, hei luwuno puu mpobitara tolino!
11Pekakaako Iramo i Ue saru doito
ka mawongkomo saru pondindi-ndidi,
12Woo-wooomo nana'ote! Ka si mansa Dotekuda ka imemate a nsala,
hangano moruana ntu'u itensila tekuda-Do.
Me'uraomo luwuno mia anu mepekadudui ndi Ondae!
Currently Selected:
Po'unde-unde 2: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
