Po'unde-unde 28
28
Ondae i Ue, kantaku
28:1-9
1Inso ndi Daudi.
Ndi Omiu, oo Ue, kupebooli,
torukuno watuku, si po'inee aku,
hangano, tewala Omiu komino mpiha ndi ongkue,
gagi aku kana mia metii a laro ngkaburu.
2Irongeomo po'emaku,
mebooli aku mepetulungi ndi Omiu,
ka tumandeo kaeku
te'aro a mpo'ianga-Miu anu tedoa mempori.
3Siimo Irende aku meronga mia mosa'o gauno
ke maupo saru mia anu moweweu mosa'o,
anu mauru saru wali-walino,
sine aroano buke anu mosa'o.
4 #
Meng. 22:12
Ihuku iramo montonda wineweudo
ka montonda peleludo anu mosa'o;
Ihuku iramo menunu saru wineweuno kaedo,
Isuloako iramo hapa anu wineweudo.
5Hangano nahi domperioo inangga-Do i Ue
ka wineweuno kae-Do;
Ira mobangku ira
ka nahi ira mempinontade mbo'u.
6Inunde-unde Iramo i Ue, hangano Dorongeomo
po'emaku.
7Ondaemo i Ue rosoku ka kantaku;
ndi Ondae aroaku mompe'ala-ala ka ongkue tetulungi.
Onaemo pu'uno, ka imawongko aroaku
ka umunde-unde Ira saru menani.
8Ondaemo i Ue rosono bawaa-Do
ka bente tekaduduiado mia anu inurapi-Do!
9Po'ineeomo ka Ikadudui ira bawaa-Miu
ka Ironso iramo mia-Miu,
Ipakambi iramo ka Ipokowali iramo ranta nahina tampulaano.
Currently Selected:
Po'unde-unde 28: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
