Po'unde-unde 26
26
Pekakai mo'ema ka Dopokomenteeo i Ue
26:1-12
1Inso ndi Daudi.
Oo Ue, Ipokomengkaaomo nine ongkue mentee
hangano tuwu akumo nahina tataano;
Ndi Ondae i Ue kupompe'ala-ala
nahi nanta-nanta.
2I'arahako akumo, oo Ue, ka I'ara-arahako akumo;
Ipepenteeomo laro aroaku ka aroaku.
3Hangano pompehohawa-Miu wela kongko i arono mataku,
ka kutuwu a laro menteea-Miu.
4Nahi kupentoro saru anu mompopo'oo,
ka saru mia mo'onde-onde nahi kupebawaakono;
5ku'o'aliaakono pepumpuado mia anu mpoweweu mosa'o,
ka saru mia mosa'o gauno nahi kupentoro.
6Kuwo'ohio kaeku tondonino nahina salaku,
ka ku'amba melempa lumimbuo meda-Miu pontunua pesomba, oo Ue,
7tekonai merorongeakono penani po'unde-unde anu meroku,
ka tumutuluo luwuno wineweu-Miu anu kinohali-haliako.
8 Ue, kukekewoio raha po'ianga-Miu
ka a mpo'ianga maramba-Miu ipo'ia.
9Si butao penaaku meronga mia tehala,
ke tuwuku meronga mia anu mo'uwu rea,
10anu a ngkaeno metako wineweu anu tinata,
ka anu kae ngkoanano montarima pompowee nahi pototono.
11Sine po'eheku aku tuwu nahina tataano;
Ipotola akumo ka Ipehohawa akumo.
12Karuku mentade a wita anu merete;
aku umunde-unde Ira i Ue a laro bawaa.
Currently Selected:
Po'unde-unde 26: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
