Po'unde-unde 25
25
Pekakai mo'ema po'ampuni ka pekadudui
25:1-22
1Inso ndi Daudi.
Ndi Omiu, oo Ue, kutandeo sumangaku;
2Ue Alaku, kupe'ala-ala Komiu;
po'ineeomo ka si kupinokoko'ii;
iwaliku ka si domengkokora-kora mpo'unde menggari-nggari aku.
3Oo, luwuno mia anu sumikori Komiu nahi ta pinokoko'ii;
po'ineeomo domempinokoko'ii anu moruana mohapu pedandia.
4Ipauakunemo luwuno pesalaa-Miu, oo Ue,
Ipaguruakunemo pesalaa-Miu.
5Itaate akumo melempa a laro menteea-Miu ka Ipaguru akumo,
hangano Omiumo Ue Ala anu kumadudui aku.
Omiu sinisikoriku ilarono asa oleo.
6Irambeomo moiko ka pompehohawa-Miu, oo Ue,
hangano luwuno atuu hinaomo mompu'u i ndi'ipua.
7Luwuno hala tempono kumongura luwuno peleluku anu nahi pontonda songka
siimo Irambeo mbo'u,
menunu saru pompehohawa-Miu, Irambe akumo
a moikoa-Miu, oo Ue.
8Ondae i Ue atuu moiko ka mentee;
onaemo pu'uno, Ondae montisoakono pesalaano mia anu tesaa.
9Ondae tumaateo mia anu me'urumako melempa montonda songka,
ka Dopaguruakono pesalaa-Do a mia anu me'urumako.
10Luwuno pesalaa-Do i Ue onaemo pompehohawa ka menteea
a mia anu me'ini a mpedandia-Do ka luwuno pompopoto'ori-Do.
11A nee-Miu, oo Ue,
I'ampuniomo salaku, hangano langkai salaku atuu.
12Isemake mia anu doitoako Ira i Ue?
Ndi onae Dopontisoakono i Ue pesalaa anu asalakono ibinikio.
13Mia atuu ta mo'ia mpiha a laro me'uraa
ka ana'ueno ira mpe'ueo wita.
14Ondae i Ue mesambe'e saru mia anu doitoako Ira,
ka pedandia-Do Dopauako ira.
15Mataku te'aro mpiha ndi Ondae i Ue,
hangano Ondae lumuarakono karuku inso a buani.
16Ipewolilimo ndi ongkue ka Ipehohawa akumo,
hangano ongkue asa-asaku ka tepokonsii.
17Ipokomaluaakune aroaku anu ma'iso
ka Iluarako akumo inso a masukaraaku!
18Iperioomo marasaia ka masukaraaku,
ka Itandeomo luwu halaku.
19Kitaomo, hadio ntu'u iwaliku,
ka kana'umpe lansarano po'o'aliado ndi ongkue.
20Po'ineoomo ka Idagaio sumangaku ka Ipotola akumo;
ka si kupinokoko'ii, hangano ongkue mepekadudui ndi Omiu.
21Bobotolino aroa ka moleo aroa po'ineeomo ka itondari aku,
hangano ongkue sumisikori Komiu.
22Oo Ue Ala, Ipotolaomo Isaraeli
inso a ma'isoano!
Currently Selected:
Po'unde-unde 25: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
