Po'unde-unde 24
24
Hawe-Do Mokole Marambaa a laro Raha-Do Ue Ala
24:1-10
1 #
1Kor. 10:26
Penani po'unde-undeno i Daudi.
Ondaemo i Ue anu me'ueo tolino saru luwuno ihino,
saru luwuno anu mo'ia i larono.
2Hangano Ondaemo anu numaao a wawo ntahi malua
ka anu montadeo a wawo luwuno korono.
3”Isemake anu moiko ipewuatako a wawo ntorukuno-Do i Ue?
Isemake anu moiko ipentade a mpo'ianga-Do anu mempori?”
4 #
Mat. 5:8
”Mia anu morina kaeno ka molino aroano,
anu nahi peweengakono koroino a pompopo'oo,
ka anu nahi pesumpa megaupi.
5Onaemo anu ta montarima ronso inso ndi Ondae i Ue
ka moleoa inso ndi Ondae Ue Ala Puu pongkadudui.
6Ndiomo bawaano mia anu mesikenoako Ira,
anu umungkeo rupa-Miu, oo Ue Alano i Yako.” Sela
7Tandeomo ulumu, hei luwuno pewowa langkai,
ka intetandemo, hei luwuno pewowa anu mapa'etu-etu nta'u,
ka Dopewinso Mokole Marambaa!
8”Isemake Mokole Marambaa atuu?”
”Ondae i Ue, anu moroso ka mosia,
Ondae i Ue, moroso a laro mpeteaa!”
9Tandeomo ulumu, hei luwuno pewowa langkai,
ka intetandemo, hei luwuno pewowa anu mapa'etu-etu nta'u,
ka Dopewinso Mokole Marambaa!
10”Isemake Ondae, Mokole Marambaa atuu?”
”Ondae Ueno luwuakoano,
Ondaemo Mokole Marambaa!” Sela
Currently Selected:
Po'unde-unde 24: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
