Po'unde-unde 21
21
Penani po'unde-unde hangano ponangino mokole
21:1-14
1Tiano petewawado anu mpenani. Penani po'unde-undeno i Daudi.
2 Ue, hangano pabawa-Miumo ka ipo'unde mokole;
ka tedoa mawongko hangano ponangia anu Iweeakono!
3Po'eheno aroano I'induakonomo
ka po'emano wiwino itarimao. Sela
4Hangano Omiu tumotowoakono ronso anu hadio ntu'u;
Omiu monaa ramba-ramba ulu inso a wulaa mpena a wawo uluno.
5I'emao tuwu inso ndi Omiu ka Omiu uminduakono,
tuwu melai mpiha ka nahina tampulaano.
6Langkai marambano hangano ponangia anu Iweeakono;
potoro langkai ka mewanta Iweeakonomo.
7Oo, Omiu weweuo ka igagi mpiha ronso;
Omiu mokobukeakono mawongkoa i aro-Miu.
8Hangano mokole mompe'ala-ala ndi Ondae i Ue,
ka hangano pompehohawa-Do Anu Tedoa Mantande onae nahi telelu.
9Kae-Miu ta rumakoo luwuno iwali-Miu;
kae ngkoana-Miu ta rumako ira mia anu umo'aliaa-Komiu.
10Komiu weweu ira kana pompotuwua api anu kolanga-langa,
i tempono Ipepopokita.
A laro tekuda-Do Ondae i Ue tumele ira,
ka api ta kumaa ira.
11Inuledo Komiu mepate ira inso i wawontolino,
ka ana'uedo inso i olodo anano mia.
12Tewala ira mpowawa masolaa ndi omue,
ponsongka mpopopo'oo, nahi ira mempolio.
13Oo, Komiu weweu ira mempolai,
saru kolorono pana-Miu Ipanao rupado.
14Ipentademo, oo Ue, a laro mpabawa-Miu!
Kamimo mpenaniako ka mpenani me'unde-undeo moroso-Miu.
Currently Selected:
Po'unde-unde 21: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
