Po'unde-unde 20
20
Pekakai mo'ema poponangino mokole
20:1-10
1Tiano petewawado anu mpenani. Penani po'unde-undeno i Daudi.
2Po'ineeomo Dosangkiko i Ue i tempono ma'isoa!
Po'ineeomo nee-Do Ue Alano i Yako benteiko!
3Po'ineeomo Dopo'oliwi anu mokowaliko inso a mpo'ianga mempori
ka Dotumboko inso i Sioni.
4Po'ineoomo Dorambeo luwuno pesombamu,
ka Dopemoikoo pesomba tinunumu. Sela
5Po'ineeomo Doweeakomu hapa anu inehemu
ka Dopokogagio mehasili hapa anu sinongkamu.
6Kami mpebooli memawongko mongkona ponangimu
ka mentande ira bandera a nee-Do Ue Alato;
po'ineeomo Do'ihiio i Ue luwuno po'emamu.
7Kanandio-andio kuto'orio, nine Ondae i Ue moweeakono ponangia a mia anu inurapi-Do.
Inso i suruga-Do anu mempori Dosangkiakono
ponangia tedoa langkai hangano kae ngkoana-Do.
8Mia andio mompelangka-langkaiako kareta ka mia atuu mompelangka-langkaiako ngara,
sine ontae mompelangka-langkai a nee-Do i Ue, Ue Alato.
9Ondae ntebangku ka ntedonta,
sine ontae mpewangu mpentade ka moleo mpiha.
10Oo Ue, Ipoweeakonomo mokole ponangia!
Isangki kamimo tempono kimpebooli!
Currently Selected:
Po'unde-unde 20: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
