Po'unde-unde 19
19
Maramba-Do i Ue a laro inanggano kae-Do ka a laro Songka-Do
19:1-15
1Tiano petewawado anu mpenani. Penani po'unde-undeno i Daudi.
2Langi tumutuluo maramba-Do Ue Ala,
ka longkuno langi paleleo inanggano kae-Do;
3oleo motilaloakono lele atuu a oleo,
ka wongi mohaweo ponto'ori atuu a wongi.
4Nahina lele ka nahina pau,
suarado nahi teronge;
5 #
Rom. 10:18
sine pe'oliwido tesiarawo i asa wawontolino,
ka inanggado hawe i tompano tolino.
Ondae mompasa kema i langi tiano mata'oleo,
6anu meluarako kana umbungkoroi tama anu meluarako inso a bolongkono,
mawongko kana pongkiari anu ta melempa.
7Inso i tompano langi onae mesabaako,
ka ipelempa hawe i tompano anu susua;
nahina anu te'engoi inso a ntedoa mokulano.
8Taura-Do i Ue atuu soompo ntu'u,
mompokoroso sumanga;
atora-Do i Ue atuu moroso,
mompowee ponto'ori anu mentee a mia anu napi hina pinembasaino.
9Parenta-Do i Ue atuu mentee,
ineheno aroa;
parenta-Do i Ue atuu moiko luwu,
weweuo mata mewanta.
10Doitoako Ira i Ue atuu mempori,
hinao mpiha ranta nahina tampulaano;
luwuno songka-Do i Ue atuu mentee,
luwuno moleo,
11masuliopo olino sekono wulaa,
sekono maupo hadio wulaa mpena;
ka mo'ahiopo sekono siu hoani,
maupo sekono siu hoani iiti inso a inenano hoani.
12Tetenaa-Miu mbo'u montarima pepopoto'ori inso ndi onae,
mohawe tambo langkai saru me'ini ndi onae.
13Isemake anu mokonto'orio sala peleluno onaeno?
Ipotola akumo inso a hapa anu nahi kupokonto'orio.
14Ikaduduiomo tetenaa-Miu inso a mpelelu mompelangka-langkai;
ka si mansa onae pabawai aku!
Ka ongkue gagi nahina tataaku
ka tepotola inso a hala langkai.
15Po'ineeomo pinauno ngangaku ka pine'ihilaroku
Ipemoikoo,
oo Ue, Torukuno Watuku ka Puu Pontolosiku.
Currently Selected:
Po'unde-unde 19: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
