Po'unde-unde 17
17
Linampui maupo nahina salano
17:1-15
1Pekakaino i Daudi.
Irongeomo, Ue, kara-kara anu mentee,
Ipekokoongakonomo suaraku;
Irongeomo pekakaiku,
inso a wiwi anu nahi pompopo'oo.
2Po'ineeomo insomo ndi Omiu ihawe pobitaraa;
po'ineeomo mata-Miu kumitao hapa anu mentee.
3Tewala Omiu umarahakono aroaku,
paresao i tempono wongi,
ka mepentee aku,
nahi Komiu mohawe hapa-hapa;
pinewowolo mosa'o nahi haweako meluarako inso a wiwiku, 4kana anu wela wineweudo mia.
Menunu saru pau anu pinau-Miu,
kudagaiomo koroiku a mpesalaado mia anu mpoweweu pobobarasaia;
5pelempaku tumondao mpiha pesalaa-Miu,
karuku nahi telelu.
6Mebooli aku ndi Omiu hangano Omiu sumangki aku, oo Ue Ala;
Ipo'aroomo biri-Miu ndi ongkue, Irongeomo pinauku.
7Ipopokitaomo pompehohawa-Miu anu kinohali-haliako,
oo Puu Pongkadudui a mia anu mo'ungke pepekaduduia
inso a luwuno mia mpe'ewa anu umewaio pabawa-Miu.
8Ipekaria akumo kana ihi mata-Miu,
wuni akumo a laro pe'egoano pani-Miu
9inso a mia mosa'o gauno anu bobarasai aku,
ka inso anu kumadu aku ta umoninio penaaku.
10Aroado tetondo a mpe'aroa mompehohawa,
ondae melaba mpau;
11Ondae mentondario pelempaku, kanandio-andio domelimbu aku,
matado pino'aro ira mpepasiakune a wita.
12Rupado kana singa anu po'eheno ta momperangkami,
kana singa mongura anu mompora a mpo'ianga anu tewuni.
13Ipentademo, Ue, I'aropi iramo ka pobangku iramo,
saru ponai-Miu Ipotola akumo inso a mia mosa'o gauno.
14Ipingko iramo, oo Ue, saru kae-Miu, Ipingko iramo inso i tolino,
ka si dompohawe tia i olodo mia anu mentuwu,
kompodo po'ineeomo ka ibukeako hapa anu ninaa-Miu,
ranta luwuno anado gagi menteende,
ka toreano domebintao tiado luwuno nana'ote kodeido.
15Sine ongkue, a laro menteea aku kumitao rupa-Miu,
ka i tempono kupewangu aku gagi teendeako rupa-Miu.
Currently Selected:
Po'unde-unde 17: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
