Po'unde-unde 16
16
Me'uraano mia moleo
16:1-11
1Mikitami. Inso ndi Daudi.
Idagai akumo, oo Ue Ala,
hangano ndi Omiu kupepekadudui.
2Mepau aku ndi Ondae i Ue, ”Omiumo Ueku;
Omiumo me'uraaku, nahina anu lumaloi Komiu!”
3Luwuno mia mempori anu kongko i wita andio,
ondaemo mia mempinelangkai anu wela gagi ku'ineheakono.
4Tetiangi langkai pompemasusado mia anu tumonda ira pinesombai susua;
nahi aku metonda mompesombaako rea inso a mpesomba tinawado,
ka nahi aku wela pauo a wiwiku needo pinesombaido.
5Oo Ue, Omiumo tia pusakaku ka pialaku,
Omiumo anu uminio tiaku anu inundi.
6Koloro posongka tedonta tiaku a luwuno po'ianga anu tekosi;
oo, tia pusakaku mokonsanaao aroaku.
7Ku'umunde-unde Ira i Ue, anu patudu akumo,
oo, i tempono wongi laro aroaku paguru aku.
8 #
Tin. 2:25-28
Wela aku tuwu tepo'aro saru Ondae i Ue;
hangano Ondae mentade i koanaku, nahi aku telelu.
9Onaemo pu'uno aroaku mo'unde ka tompaano sumangaku meboo-booli,
koroiku ta mo'ia momperodo;
10 #
Tin. 13:35
hangano Omiu nahi peweengakune a ntolinodo mia mate,
ka nahi po'ineeo mia mempori-Miu mongkita matea.
11Omiu pauakune sala ntuwua;
i aro-Miu hinao mawongkoa anu hadio ntu'u,
a ngkae koana-Miu hinao mpiha momoikoa.
Currently Selected:
Po'unde-unde 16: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
