Po'unde-unde 148
148
Langi ka tolino, unde-unde Iramo i Ue!
148:1-14
1Haleluya!
Unde-unde Iramo i Ue inso i langi,
unde-unde Iramo a mpo'ianga anu mantande!
2Unde-unde Iramo, hei luwuno mala'eka-Do,
unde-unde Iramo, hei luwuno sorodadu-Do!
3Unde-unde Iramo, hei mata'oleo ka wula,
unde-unde Iramo, hei luwuno anano wula anu mewanta!
4Unde-unde Iramo, hei langi anu wawoio luwuno langi,
hei uwoi anu i wawono langi!
5Moikoomo luwuno umunde-undeo nee-Do i Ue,
hangano ondae mompowee parenta ka luwuno gaagi.
6Ondae pasao luwuno ranta nahina tampulaano,
ka mompowee pompakosi anu nahi pinokolimpai.
7Unde-unde Ira i Ue inso i tolino,
hei luwuno ule naga ka luwuno wingkeno tahi ondalo;
8hei api ka usa seru baku, seru baku ka gawu,
angi mokora anu weweuo pau-Do;
9hei luwuno torukuno ka luwuno pongku,
keuno wua ngkeu ka luwuno keu arasi;
10hei luwuno kondehora mo'ila ka luwuno pinotuwu,
kondehora melera ka manu-manu mepani;
11hei luwuno mokole i tolino ka luwuno tongku,
luwuno anu langkai potorono ka luwuno petewawa ntolino;
12hei ana ntama kontuwuano ka luwuno ana beine kontuwuano,
mia mota'u ka mia mongura!
13Po'ineeomo luwuno me'unde-undeo nee-Do i Ue,
hangano butu nee-Do anu maramba,
maramba-Do lumaloio tolino ka langi.
14Dopokomantandeomo tandu rosono bawaa-Do,
gagi po'unde-undedo luwuno mia anu pinehohawa-Do,
tiado to Isaraeli, bawaa anu umpeda ndi Ondae.
Haleluya!
Currently Selected:
Po'unde-unde 148: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
