Po'unde-unde 149
149
Penani ponangido to Isaraeli
149:1-9
1Haleluya!
Penaniakonomo penani wo'ohu tia-Do i Ue!
Unde-unde Iramo a laro bawaado mia moleo.
2Po'ineeomo to Isaraeli domemawongkoakono anu mokogagi ira,
po'ineeomo nana'oteno Sioni domengkokora-koraakono mokoledo!
3Po'ineeomo dome'unde-undeo nee-Do saru mpo'ense-ense,
po'ineeomo dompenani umunde-undeako Ira rebana ka katapi!
4Hangano Ondae i Ue memoiko ira bawaa-Do,
mia anu me'urumako Doramba-ramba uluakono tekaduduia.
5Po'ineeomo mia moleo ka ipesana-sanaa a laro marambaa,
po'ineeomo domengkokora-kora memawongko a wawo mpoturiado!
6Po'ineeomo dompelangkai Ira Ue Ala saru mpebooli meroku,
ka saru ponai memata orua a ngkaedo,
7ka dompombalo a luwuno tongku,
pohukua a luwuno suku tongku,
8ka domemponguakono rante luwuno mokoledo,
ka saru koloro labu luwuno ulea mokoledo,
9ka dohuku ira kana anu teburi.
Onaemo atuu pelangkaido luwuno mia anu pinehohawa-Do!
Haleluya!
Currently Selected:
Po'unde-unde 149: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
