Po'unde-unde 146
146
Ondae i Ue moparenta ranta nahina tampulaano
146:1-10
1Haleluya!
Unde-unde Iramo i Ue, hei sumangaku!
2Akumo melangkai Ira i Ue asa ntinuwuku,
ka menani umunde-unde Ira Ue Alaku tempono da kongko aku.
3Si mpe'ala-ala ira ulea mokole,
a anano mia anu nahi polio mongkadudui.
4Tewala tampula penaano, onae mekule a wita;
a oleo koa mbo'u atuu tampulaomo luwuno sinongkano.
5Me'uraomo mia anu montarima pontulungi inso ndi Ondae Ue Alano i Yako,
anu pomperorohiano ndi Ondae i Ue, Ue Alano:
6Ondae anu mokogagio langi ka tolino,
tahi ka luwuno ihino;
anu nahi bali petenunu-Do ranta nahina tampulaano,
7anu umalaakono mia anu tepokonsii,
anu mompowee kaanga a mia anu mokoninggo.
Ondae i Ue motolao mia anu te'uko,
8Ondae i Ue umungkahio matano mia anu morawu,
Ondae i Ue mokomorosoo mia anu tetuundu telusa,
Ondae i Ue mehohawao mia mentee.
9Ondae i Ue dumagai ira mia mehawe,
nana'ote nahina amano ka tuwu beine Dowali mokoroso ira,
sine pesalaano mia mosa'o gauno Dopokogagio.
10Ondae i Ue moparenta ranta nahina tampulaano,
Ue Alamu, oo Sioni, mapa'api-api inule!
Haleluya!
Currently Selected:
Po'unde-unde 146: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
