Po'unde-unde 143
143
Pekakai mo'ema pontulungi ka pompaguru
143:1-12
1Penani po'unde-undeno i Daudi.
Oo Ue, Irongeomo pekakaiku,
Irongeomo po'emaku!
Isangki akumo a laro pompehohawa
ka moleo-Miu!
2 #
Rom. 3:20; Gal. 2:16 Si pekara-karaakono tetenaa-Miu,
hangano i olodo anu mentuwu, nahina maupo te'asa mia mentee i aro-Miu.
3Hangano domelampui akumo iwali
ka mpepasiakono tuwuku a wita,
menaa aku a laro wongi-wongi
kana mia anu tehineomo imate.
4Rosoku molema telusa a laro ngkoroiku,
aroaku tedoa penonso.
5Kurambeo luwuno oleo anu telaloomo,
kuwela mewuao luwuno wineweu-Miu,
kupenootio wineweuno kae-Miu.
6Kusineo kaeku ndi Omiu,
sumangaku mokoranga ndi Omiu kana wita anu londa. Sela
7Rongamo Isangki aku, oo Ue,
pingkoomo rosoku!
Si wuniakune rupa-Miu,
ranta ka kugagi kana ondae anu mpetii a ngkekeno kaburu.
8Ipoporongeomo pompehohawa-Miu ndi ongkue i tempono mo'oru,
hangano ndi Omiumo kupompe'ala-ala!
Ipauakunemo pesalaa anu asalakono kutondao,
hangano ndi Omiumo kutandeo sumangaku.
9Ipotola akumo inso a luwuno iwaliku, oo Ue,
ndi Omiumo kupepekadudui!
10Ipaguru akumo weweuo po'ehe-Miu,
hangano Omiumo Ue Alaku!
Po'ineeomo Penaa-Miu anu moiko atuu tumaate aku
a wita anu merete!
11A nee-Miu, Ikadudui akumo, oo Ue,
Iluarakoomo sumangaku inso a laro ma'isoa a moleo-Miu!
12Ipepate iramo iwaliku hangano pompehohawa-Miu,
ka Ipokotampulaomo luwuno mia anu medadai aku,
hangano ongkue tetenaa-Miu!
Currently Selected:
Po'unde-unde 143: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
