Po'unde-unde 142
142
Pekakaino asa mia anu linolampui
142:1-8
1 #
1Sam. 22:1; 24:3 Penani pompaguruno i Daudi, tempono onae a laro ngkunepo. Pekakai.
2Meboo-booli aku meroku ndi Ondae i Ue,
meroku kupo'ema pompehohawa ndi Ondae i Ue.
3Kupohaweo pinemasusaku i aro-Do,
pompema'isoku kupauako Ira i aro-Do.
4Tempono rosoku molema telusa a laro ngkoroiku,
Omiumo anu tumo'orio pesalaaku.
A nsala anu asalakono kutondao,
dompota'oakune oho.
5Pengkitamo i koana ka kitaomo,
nahina maupo te'asa mia anu merio aku;
polaiaku tetadiomo,
nahina maupo te'asa mia anu merio aku.
6Meboo-booli aku ndi omiu, oo Ue,
kupotae, ”Omiumo pepekaduduiaku,
tiaku i witado mia mentuwu!”
7Iperioomo pebooliku,
hangano tedoa akumo molema.
Ipotola akumo inso a mia anu lumampui aku,
hangano memoroso irapo sekono ongkue.
8Iluarako akumo inso a laro torungku
ka ku'unde-undeo nee-Miu.
Luwuno mia mentee ira melimbu aku,
hangano Omiu moweweu moiko ndi ongkue.
Currently Selected:
Po'unde-unde 142: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
