Po'unde-unde 141
141
Pekakai mo'ema pinoko'olai inso a wineweu mosa'o
141:1-10
1Penani po'unde-undeno i Daudi.
Ndi Omiu, oo Ue, kupebooli, rongamo I'aiwa ndi ongkue,
Irongeomo, tempono kupebooli ndi Omiu!
2 #
Meng. 5:8
Po'ineeomo pekakaiku ka itinarima kana pesomba dupa i aro-Miu,
ka kaeku anu tetande kana pesomba ngkiniwia.
3Idagaiomo ngangaku, oo Ue,
Ipedagaimo a mpewowano wiwiku!
4Si po'aroo aroaku a wineweu mosa'o,
ka si kuweweuo luwuno wineweu anu mosa'o
meronga luwuno anu mpoweweu mosa'o,
ka nahi aku menamio kaangado anu mo'ahi.
5Po'ineeomo mia mentee mpetunduhi ka mehukuakune pompehohawa,
onaemo atuu lana moiko ntu'u, po'ineeomo ka itarimao uluku!
Mentee ntu'u, ongkue mekakai mpiha umewaio poweweudo anu mosa'o mia mosa'o gauno.
6Tewala ondae mempineweengako a luwuno puu mpobitarado,
ka ira merongeo nine luwuno pinauku menteeano mompokosanaa.
7Kana watu anu tebansi ka terawo a wita,
kanatuumo luwuno wukudo ta tesiarawo a ngangano tolinodo mia mate.
8Menteeano, ndi Omiumo, oo Ue Ala, Ueku, ite'aro mataku;
ndi omiumo kupepekadudui, si pepasiakune!
9Ikadudui akumo a mporakono oho anu domenta'oakune,
ka inso a pompete'umalado anu mpoweweu mosa'o.
10Po'ineeomo mia anu mosa'o gaudo mperongaako ntedonta a laro buanido ondaedo,
sine ongkue lumaloakono tekadudui.
Currently Selected:
Po'unde-unde 141: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
