Po'unde-unde 140
140
Pekakai mo'ema pongkadudui hangano mia mosa'o gauno
140:1-14
1Tiano petewawado anu mpenani. Penani po'unde-undeno i Daudi.
2Ipotola akumo, oo Ue, inso a mia mpoweweu mosa'o,
Idagai akumo inso a mia anu mompokonsii,
3anu mosongka moweweu mosa'o i laro aroano,
ka sompo oleo mompokogagi peteaa!
4 #
Rom. 3:13
Ondae mpokomontasoo elodo kana ule,
ipono ule siru kongko i totono wiwido. Sela
5Idagai akumo, oo Ue, inso a pokungkuno mia mosa'o gauno,
Ikadudui akumo inso a mia anu mompokonsii,
anu montoo dumontai aku.
6Mia mompelangka-langkai monta'oakune oho,
ka domempadindi ira koloro gagi buani,
a asa ngkeu sala ondae mponaakune pompete'umala. Sela
7Mepau aku ndi Ondae i Ue, ”Omiu Ue Alaku,
Irongeomo pekakaiku, oo Ue!”
8Oo Ue Ala, Ueku, roso anu kumadudui aku,
Omiu borungio uluku a oleo peteaa.
9Oo Ue, si tondaakono po'eheno mia mosa'o gauno,
si po'ineeo sinongkano ipokogagio, ka si dopompelangka-langkai! Sela
10Po'ineeomo masolaa anu pinaudo mia mengkadu aku
ka i'aluo uludo ondaedo!
11Po'ineeomo ka i'alu ira waro api!
Po'ineeomo ka Dodontai ira a laro wingke ka si dompokompewangu mbo'u!
12Anu momposebe nahi ta mokompo'ia i wita andio;
anu mompokonsii ta tumondario masolaa.
13Kuto'orio nine Ondae i Ue Ira moweeakono moleoa a mia anu tepokonsii,
ka umalaakono kara-karano mia mongkokolaro.
14Mentee ntu'u, luwuno mia mentee ira me'unde-undeo nee-Miu,
luwuno mia anu moleo ira mpo'ia i aro-Miu.
Currently Selected:
Po'unde-unde 140: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
