Po'unde-unde 138
138
Penani pontarimakasi a pompema'isoa
138:1-8
1Inso ndi Daudi.
Aku montarimakasi ndi Omiu tompaano aroaku,
ka menani umunde-unde Komiu i arono pinesombaido luwuno tongku.
2Aku menggolontu mesomba te'aro a raha-Miu anu mempori ka umunde-undeo nee-Miu, hangano pompehohawa-Miu;
hangano Iweweuo nee-Miu ka dandi-Miu lumaloio luwuakoano.
3A oleo kupebooli, Isangki aku
ka tumiangio roso a laro sumangaku.
4Po'ineeomo luwuno mokole i tolino mpontarimakasi ndi Omiu, oo Ue,
hangano domerongeomo dandi inso a nganga-Miu;
5po'ineeomo dompenani mongkona luwuno pesalaa-Do i Ue,
hangano Ondae i Ue maramba ntu'u.
6Ondae i Ue atuu mantande, sine Dopensiroio mia anu pinokongkodei,
mia anu mompelangka-langkai Doto'orio inso olai.
7Maupo kupelempa a laro ma'isoa,
Omiu kumaduduio tuwuku inso a ntekudado iwaliku;
Iweroo kae-Miu,
ka kae ngkoana-Miu kumadudui aku.
8Ondae i Ue Ira moko'umariakune luwuakoano!
Oo Ue, pompehohawa-Miu nahi bali ranta nahina tampulaano;
si bintao wineweuno kae-Miu!
Currently Selected:
Po'unde-unde 138: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
