Po'unde-unde 137
137
I wiwino luwuno korono i Babeli
137:1-9
1I wiwino luwuno korono i Babeli, i ra'aimo tompentoro saru mpengese,
tewala tomerambeo Sioni.
2A luwuno keu gandarusa a mpo'ianga atuu
tomendoeo katapito.
3Hangano i ra'aimo mia anu mentawa kita
mpo'ema ka tompoporongeo penani,
ka mia anu mebobarasai kita mpo'ema penani mawongko,
”Impenaniakamimo penani inso i Sioni!”
4Nde kana'umpe ka kita mpenaniako penani-Do i Ue
i wita susua?
5Tewala kukolupeko, hei Yerusale,
po'ineeomo ka inggaape kae ngkoanaku!
6Po'ineeomo eloku ka ipetako a langiraku,
tewala nahi kurambe Komiu,
tewala nahi kupokolaluao Yerusale
sekonopo luwuno mawongkoku.
7Irambeomo, oo Ue, inuleno i Edomi:
a oleo ropuano Yerusale,
dompotae, ”Rongkao, rongkao
hawe a wita!”
8 #
Meng. 18:6
Hei ana beineno Babeli, anu ineheno mobobarasai,
me'uraomo mia anu mombalo ndi omue
luwuno wineweu anu wineweumu ndi omami!
9Me'uraomo mia anu morako ka mepasiako
ira anamu a pongku watu!
Currently Selected:
Po'unde-unde 137: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
