Po'unde-unde 136
136
Pompehohawa-Do Ue Ala a nto Isaraeli
136:1-26
1 #
Pud. 100:4-5
Pontarimakasimo ndi Ondae i Ue, hangano moiko Ira!
Menteeano ranta nahina tampulaano pompehohawa-Do.
2Pontarimakasimo ndi Ondae Ue Alado luwuno pinesombai!
Menteeano ranta nahina tampulaano pompehohawa-Do.
3Pontarimakasimo ndi Ondae Ueno luwuno pe'uea!
Menteeano ranta nahina tampulaano pompehohwa-Do.
4Ndi Ondae anu asa-asa-Do weweuo luwuno anu tedoa kinohali-haliako!
Menteeano ranta nahina tampulaano pompehohawa-Do.
5 #
Teg. 1:1-2
Ndi Ondae anu mokogagio langi hangano pande-Do mosongka!
Menteeano ranta nahina tampulaano pompehohawa-Do.
6Ndi Ondae anu wileo tolino a wawo uwoi!
Menteeano ranta nahina tampulaano pompehohawa-Do.
7 #
Teg. 1:16
Ndi Ondae anu mokogagio luwuno sangka pompokomewine anu langkai;
menteeano ranta nahina tampulaano pompehohawa-Do.
8Mata'oleo ka ipabawaio meene,
— menteeano ranta nahina tampulaano pompehohawa-Do —
9wula ka luwuno anano wula ka ipabawaio wongi!
Menteeano ranta nahina tampulaano pompehohawa-Do.
10 #
Pel. 12:29
Ndi Ondae anu tumunduhi ira ka domemate luwuno ana akano Masiri,
menteeano ranta nahina tampulaano pompehohawa-Do;
11 #
Pel. 12:51
ka anu wawa ira to Isaraeli mpeluarako inso i tonga-tongado,
menteeano ranta nahina tampulaano pompehohawa-Do;
12saru kae-Do anu moroso ka tokia tetande!
Menteeano ranta nahina tampulaano pompehohawa-Do.
13 #
Pel. 14:21-29
Ndi Ondae anu monsuao Tahi Teberau gagi orua,
menteeano ranta nahina tampulaano pompehohawa-Do;
14ka anu sumakiako ira to Isaraeli i tonga-tongano,
menteeano ranta nahina tampulaano pompehohawa-Do;
15ka mepasiakono i Pirao saru sorodaduno a Ntahi Teberau,
menteeano ranta nahina tampulaano pompehohawa-Do.
16Ndi Ondae anu wawa ira bawaa-Do ntelalo a mpada one;
menteeano ranta nahina tampulaano pompehohawa-Do.
17Ndi Ondae anu numangi ira luwuno mokole anu langkai,
menteeano ranta nahina tampulaano pompehohawa-Do;
18ka mepate ira luwuno mokole anu mempinelangkai,
menteeano ranta nahina tampulaano pompehohawa-Do;
19 #
Pod. 21:21-35
Sihoni, mokoledo to Amori,
menteeano ranta nahina tampulaano pompehohawa-Do;
20ka i Ogo, mokole i wita Basani,
menteeano ranta nahina tampulaano pompehohawa-Do;
21ka weeako ira witado gagi tia pusaka,
menteeano ranta nahina tampulaano pompehohawa-Do;
22tia pusaka a nto Isaraeli, bawaa-Do!
Menteeano ranta nahina tampulaano pompehohawa-Do.
23Ondae anu rumambe kita tempono tomempinokongkodei,
menteeano ranta nahina tampulaano pompehohawa-Do;
24ka motola kita inso a luwuno anu umewai kita,
menteeano ranta nahina tampulaano pompehohawa-Do.
25Ondae anu moweeako ira kaanga a luwuno anu mentuwu,
menteeano ranta nahina tampulaano pompehohawa-Do.
26Pontarimakasimo ndi Ondae Ue Alano asa wawo langi!
Menteeano ranta nahina tampulaano pompehohawa-Do.
Currently Selected:
Po'unde-unde 136: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
