Po'unde-unde 13
13
Pekakai pompe'ala-ala
13:1-6
1Tiano petewawado anu mpenani. Penani po'unde-undeno i Daudi.
2Opiapo mbo'u tehineno, Ue, Ikolupe aku mpiha?
Opiapo mbo'u tehineno Iwunioakune rupa-Miu?
3Opiapo mbo'u tehineno asalakono kusalalaro a laro ngkoroiku,
ka mompemasusa te'asa oleo?
Opiapo mbo'u tehineno iwaliku mpompelangka-langkai ndi ongkue?
4Ipensiromo ka Isangki aku, oo Ue, Ue Alaku!
Iweweuomo mataku mewanta, ka si kutekoturi ka mate,
5ka si potae iwaliku, ”Kunangiomo,”
ka anu me'ewai aku mpeboo-booli, tewala ongkue telelu.
6Sine ongkue, a pompehohawa-Miu kupe'ala-alao,
aroaku meboo-booli hangano pongkadudui-Miu.
Aku menani tia-Do i Ue, hangano moweweu Iramo moiko ndi ongkue.
Currently Selected:
Po'unde-unde 13: XMZ
Highlight
Copy
Compare
Share
Want to have your highlights saved across all your devices? Sign up or sign in
LAI 2021
